Վահան Քերոբյանը ճանաչողական այց է կատարել ՀՀ ԷՆ «Սննդամթերքի անվտանգության ոլորտի ռիսկերի գնահատման գիտական կենտրոն» ՓԲԸ
Նախարար Վահան Քերոբյանը հոկտեմբերի 11-ին ճանաչողական այց է կատարել ՀՀ ԷՆ «Սննդամթերքի անվտանգության ոլորտի ռիսկերի գնահատման գիտական կենտրոն» ՓԲԸ։ Նախարարին ուղեկցում էր նախարարի տեղակալ Աշխեն Շիրվանյանը։
Շրջայցի ընթացքում կենտրոնի տնօրեն Տիգրան Մարկոսյանը պաշտոնյաներին է ներկայացրել կենտրոնի կողմից իրականացվող գիտահետազոտական աշխատանքները, մասնավորապես գյուղատնտեսական կենդանիների և թռչունների վարակիչ հիվանդությունների կանխարգելման, պայքարի միջոցառումների շրջանակում իրականացված հետազոտությունները և վերլուծությունները։
Գիտական կենտրոնի լաբորատորիան հագեցած է նորագույն սարքավորումներով, և համալրված է երիտասարդ աշխատակիցներով, ինչպես նաև կենտրոնը սերտ համագործակցում է միջազգային տարբեր գործընկերների հետ։
Տիգրան Մարկոսյանը նախարարին է ներկայացրել կենտրոնի զարգացման իրենց տեսլականը, որը հիմնված է գիտական աշխատանքների առևտրայնացման, անասնաբուժական նշանակության պատվաստանյութերի և դեղամիջոցների արտադրության ներդրման վրա։
Նախարարը պատրաստակամություն է հայտնել Էկոնոմիկայի նախարարության իրավասությունների շրջանակներում աջակցել կենտրոնի բազմակողմ զարգացմանը։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`