Ունենք մեծ արձագանք մասնավոր հատվածի կողմից, ինչը նշանակում է` այն, ինչ անում ենք, պահանջված է. Տիգրան Խաչատրյան

Էկոնոմիկայի նախարար Տիգրան Խաչատրյանը «Ազատության» «Ֆեյսբուքյան ասուլիսի» ժամանակ ներկայացնում է կառավարության կողմից տրվող կորոնավիրուսի հակաճգնաժամային աջակցության միջոցառումները, դրանց արդյունավետությունը: Նախարարը նաև խոստորեն կոչ է անում այսօրվանից գործելու հնարավորություն ստացած տնտեսվարողներին խստորեն պահպանել անվտանգության կանոնները` խուսափելու վարակի ավելի տարածումից:

Ի պատասխան օգտատերերից մեկի հարցին, թե ինչպե՞ս են ստուգելու՝ որքան նպատակային ու արդյունավետ են լինելու կորոնավիրուսի հակաճգնաժամային աջակցության միջոցառումները, նախարարն ասաց, որ սա շատ բարդ հարց է.- «Որովհետև որպեսզի կարողանանք գնահատել, թե մեր ձեռնարկած միջոցառումները որքանով են արդյունավետ, պետք է կարողանանք հստակ պատկերացում ու չափումներ ունենալ, թե որքան են շարունակվելու նոր կորոնավիրուսի տնտեսական հետևանքները և այն ազդեցությունը, որ նա գործում է տնտեսության վրա: Ցավոք, գիտեք, որ ոչ միայն ավարտված չէ այդ երևույթի ազդեցությունը մեր տնտեսական կյանքի վրա, այլև այն դեռևս անորոշ ժամանակով կշարունակի ներկա լինել մեր կյանքում: Մենք ամեն օր հետևություններ ենք անում, ամեն օր փորձում ենք վերադասավորել մեր առօրյա անելիքներն ու մեր տնտեսական վարքագիծը»:

«Այն, ինչը մենք անում ենք, պահանջված է»
 Խաչատրյանը հիշեցրեց` 150 միլիարդ դրամ ընդհանուր ծավալով աջակցության ծրագրերի ներդրման մասին են հայտարարել, որոնք բաժանված են 2 մասի: Առաջինը արագ արձագանքման միջոցառումներն, իսկ երկրորդ փուլում իրականացվելիք միջոցառումները ավելի երկարատև միջոցառումներն են: Այս փուլի մասին, ըստ նրա, կարելի է խոսել այն ժամանակ, երբ արդեն պարզ կլինի, թե ինչպիսի փոփոխություններ են արձանագրվել համաշխարհային տնտեսության մեջ:

«Մենք ունենք բավական մեծ արձագանք մասնավոր հատվածի կողմից, ինչը նշանակում է, որ այն, ինչը մենք անում ենք, պահանջված է»,- նկատեց նա:

Որքան գումար է հատկացվել
 
Նախարարության ծրագրերով մոտավորապես 6 հազար տնտեսվարող սուբյեկտներ ֆինանսավորվել են ընդհանուր առմամբ, որից 5 հազարը ֆինանսավորվել են միկրովարկերի մասով, դրանք գյուղատնտեսությանը վերաբերող թվերն են, տեղեկացրեց բանախոսը:

«ՓՄՁ-ներին ուղղված պարզեված ընթացակարգերով վարկերի հասանելիություն ապահովելու նպատակ ուներ մյուս միջոցառումը, այսօրվա դրությամբ 7,1 միլիարդ դրամ վարկավորում ունենք` հաստատված վարկեր, շահառուների թիվը` մոտ 630, այդ թիվն ամեն օր է փոխվում»,- մանրամասնեց Խաչատրյանը:

5-րդ միջոցառմամբ, որը վերաբերում էր մարտ ամսին իրենց աշխատատեղերն ու աշխատավարձերի չափերը պահպանած կազմակերպություններին, եղել է մոտ 2 միլիարդ դրամի դրամական աջակցություն` «ուղղված այդ կազմակերպությունների 5-րդ աշխատակցի աշխատավարձերը վճարելուն», հայտնեց նա:

«Մենք գտնում ենք, որ այդ միջոցառումներն արդեն իսկ բավական արդյունավետ են, այսպիսի աջակցությունը շարունակական է լինելու այն տրամաբանությամբ, որ հրատապ աջակցության միջոցառումներից անցում ենք կատարելու դեպի երկարաժամկետ աջակցության գործիքակազմ: Դա տեղի կունենա այն ժամանակ, երբ առաջին կտրուկ փոփոխության ժամանակահատվածը կհամարենք արդեն հասկացված և ամփոփված և կպլանավորենք մեր անելիքները այն հարթության մեջ, որոնք օգնում են կազմակերպություններին վերադասավորվելու և ընտրելու իրենց զարգացման ուղին»,- ասաց Տիգրոն Խաչատրյանը:

Կոչ տնտեսվարողներին` պահպանել անվտանգության կանոնները
 
Անդրադառնալով «Ազատության» լրագրողի ներկայացրած օրինակին, որ առաքում ապահոված ընկերություններից մեկի աշխատակիցը ձեռնոցներով չի եղել, չի պահպանել անվտանգության կանոնները, ավելին նշել է` ինքը չի կարողանում ձեռնոց կրել, էկոնոմիկայի նախարարը վերահաստատեց պարետ Ավինյանի պնդումը, որ հետևողական են լինելու այս դեպքում.- «Յուրաքանչյուր չարգելված եղանակով, իսկ դա Աշխատանքի հարցերով տեսչության իրավասությւոնն է` գտնել այն կազմակերպություններին, որ շարունակում են գործել ու բավարար ուշադիր չեն անվտանգության կանոնները պահելուն, հետևողական ենք լինելու, որ այդ կազմակերպությունները գտնվեն խիստ կանոնների դաշտում»:

Նա դիմեց այն գործատուներին, որոնք վերագործման հնարավորություն են ստացել` պարզաբանելով, որ յուրաքանչյուրի կողմից այդ կանոնները պահելը բոլորի պատասխանատվության հարցն է, ոչ միայն պետական համակարգի, որ առաջին հերթին իրենց աշխատակիցների առողջության համար պատասխանատուները պետք է չանտեսեն այն պահանջները, որոնք գուցե առաջին հայացիք դժվար իրագործելի են թվում: Նա կոչ արեց փոխել սովորությունները ու պահել անվտանգության կանոնները:

«Տնտեսությունը դարձնենք ավելի քիչ խոցելի դրսի ազդեցություն ունեցող գործոններից»
 
Օգտատերերից մեկն էլ հարց էր հնչեցրել գազի գնի հնարավոր վերանայման վերաբերյալ:

«Գազի գնի թանկացումը միշտ էլ դժվարություններ ստեղծող է, որովհետև նա ծախսային գործոն է տնտեսության համար և բնակչության հիմնական սպառման տեսակներից մեկն է, այնպես որ մշտապես գազի գնի փոփոխությունները լինելու են մեր կողմից, հասարակության կողմից ամենից շատ քննարկվող թեմաներից մեկը, ընդհանրապես տնտեսությունն է այդպիսին, բոլոր ռեսուրսներն են ժամանակի մեջ ունենում գնի փոփոխություններ, և մենք մի դեպքում ավելի շատ ուշադիր ենք, ավելի շատ ենք նկատում դա:

Օգտագործելով բոլոր հնարավորությունները, որոնք թույլ կտան ունենալ հավասարակշռված էներգետիկ համակարգ` մենք պետք է նաև մեր տնտեսությունը դարձնենք ավելի քիչ խոցելի դրսի ազդեցություն ունեցող գործոններից, այսինքն` եթե արևի, քամիների ռեսուրսը կարողանանք ավելի շատ օգտագործել, ավելի քիչ կախված կլինենք նաև գազի և այդ եղանակով էլեկտրամատակարարման գնի փոփոխություններից»:

«Վալեքսի» ֆինանսական խնդիրները որևէ մեկի գործողության արդյունք չեն եղել
 
Օգտատերերը նախարարին հիշեցրել էին, որ «Վալեքս գրուպ»-ի ֆինանսական տնօրենն է եղել, որից հետո ֆինանսական ճգնաժամ է ստեղծվել այդ ընկերությունում, այն անցել է ռուսական ՎՏԲ բանկին, այդ ընկերությունը, ըստ օգտատերերի, տարիներ շարունակ խաբել է պետությանը` թաքցնելով իրական արդյունահանման ծավալները, ապա հարցրել` ինչպե՞ս է այս դեպքում զբաղվում երկրի ֆինանսական հարցերով:

Տիգրան Խաչատրյանը հայտարարեց` դա որևէ մեկի գործողությունների արդյունքում չի եղել կամ էլ անգործության հետևանք չի եղել:

«Եղել է շուկայական որևէ պայմանների արդյունքում առաջացած հետևանք, և ես ամենևին չեմ կարծում, որ իմ անցալ մասնագիտական գործունեությունը կարող է որևէ կերպ ազդել այն պատասխանատվության և անելիքների վրա, որոնք ես այսօր ունեմ»:

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 542503 (+374 11) 530 333 (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00