Յուրաքանչյուր տարի հոկտեմբերի 14-ին նշվում է Ստանդարտների համաշխարհային օրը:

2022 թվականի կարգախոսն է «Համատեղ տեսլական՝ ավելի լավ աշխարհի համար»:Այն Միջազգային էլեկտրատեխնիկական հանձնաժողովի (IEC), Ստանդարտացման միջազգային կազմակերպության (ISO) և Հեռահաղորդակցության միջազգային միության (ITU) համատեղ նախաձեռնությունն է, որոնք ամեն տարի մշակում են արշավի տարրեր՝ գլոբալ հանրությանը հզորացնելու համար:

1946 թ-ին այս օրը Լոնդոնում բացվել է Ստանդարտացման ազգային կազմակերպությունների համաժողովը, որտեղ աշխարհի 25 երկրներ, այդ թվում՝ ԽՍՀՄ-ը, ներկայացրել են 65 պատվիրակներ։ Նրանց աշխատանքի արդյունքում ստեղծվել է Ստանդարտացման միջազգային կազմակերպությունը (International Organization for Standardization (ISO))։

Ստանդարտները ազդում են մեր առօրյա կյանքի գրեթե բոլոր ոլորտների վրա:

Ստանդարտները երաշխավորում են, որ արտադրանքը և ծառայություններն  աշխատում են այնպես, ինչպես մենք ակնկալում ենք նրանցից, դարձնելով կյանքը առավել ապահով և հաճելի:

Ստանդարտներն անհրաժեշտ են առավել արդար և կայուն խաղաղություն ստեղծելու համար։

Ստանդարտացման ամբողջ համակարգը կառուցված է համագործակցության վրա։ Դրա վկայությունն է համագործակցության ուժը և հավատը, որոնց արդյունքում իրական լուծումներ են առաջադրվում կայուն զարգացման համար։

Ստանդարտների համաշխարհային  օրը հնարավորություն է տալիս բարձրացնել իրազեկությունը և բարձրացնել ստանդարտացման կարևորության ըմբռնումը:

Այսօր մենք շնորհավորում ենք ոլորտի բոլոր ներկայացուցիչներին և խնդրում միանալ մեզ այս առաքելությամբ․

ԿԱՐԵՎՈՐԵԼՈՎ ՍՏԱՆԴԱՐՏՆԵՐԻ ԴԵՐԸ ԿՅԱՆՔԻ ԲԱՐԵԼԱՎՄԱՆ ՀԱՄԱՐ՝ ԿԱՌՈՒՑԵԼ ԱՌԱՎԵԼ ՀԻՄՆԱՎՈՐ ԱՊԱԳԱ ԵՎ ԿԱՅՈՒՆ ՀԵՆՔ։