Վահան Քերոբյանն ընդունել է հայ-սիրիական գործարար խորհրդի անդամների պատվիրակությանը
Նախարար Վահան Քերոբյանն ու նախարարի տեղակալ Արմեն Արզումանյանը հոկտեմբերի 12-ին ընդունել են հայ-սիրիական գործարար խորհրդի անդամների պատվիրակությանը։ Հանդիպմանը ներկա էր նաև Հայաստանի Հանրապետությունում Սիրիայի Արաբական Հանրապետության դեսպան Նորա Արիսյանը։
Հանդիպման սկզբում նախարար Վահան Քերոբյանը նշել է, որ Հայաստանի և Սիրիայի միջև ձևավորվել են ամուր բարեկամական հարաբերություններ և հարկավոր է քայլեր ձեռնարկել երկկողմ տնտեսական հարաբերությունները նույնպես բարձր մակարդակի հասցնելու ուղղությամբ։
Խորհրդի և պատվիրակության նախագահ Լեւոն Զաքի Ետալեանը համառոտ ներկայացրել է հայ-սիրիական գործարար խորհրդի գործունեությունը, հիմնական առաքելությունն ու իրականացված նախաձեռնությունները։
Այնուհետև կողմերը քննարկել են տնտեսության ոլորտում հայ-սիրիական համագործակցության զարգացմանը, գործարար կապերի ամրապնդմանը, ներդրումային ծրագրերի իրականացմանը, փոխադարձ առևտրի ակտիվացմանը և տնտեսության ոլորտում փոխգործակցության ընդլայնմանը վերաբերող մի շարք հարցեր։
Խորհրդի անդամները հայկական կողմին ներկայացրել են այն ուղղություններն ու նախագծերը, որոնց ուղղությամբ հնարավոր են համարում ծավալել արդյունավետ երկկողմ համագործակցություն:
Նախարար Վահան Քերոբյանը պատրաստակամություն է հայտնել հանգամանորեն ուսումնասիրել ներկայացված առաջարկները՝ փոխշահավետ գործակցությունն ավելի ամուր հիմքերի վրա դնելու նպատակով։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`