Մեկնարկել է «Հայաստանի մեղվաբուծության ոլորտի կարողությունների զարգացման» ծրագիրը

28 Հուլիսի, 2022

ՀՀ Էկոնոմիկայի նախարարության նախաձեռնությամբ հուլիսի 26-ին մեկնարկել է «Հայաստանի մեղվաբուծության ոլորտի կարողությունների զարգացման» ծրագիրը, որն իրականացվում է ՀՀ էկոնոմիկայի նախարարության և «ԵՄ կանաչ գյուղատնտեսության նախաձեռնության» (EU-GAIA) հետ համագործակցության շրջանակներում, Եվրոպական միության ֆինանսական աջակցությամբ և Ավստրիական զարգացման համագործակցության համաֆինանսավորմամբ։

Հայաստանի մեղվաբուծության ոլորտի կարողությունները զարգացնելու նպատակով EU-GAIA-ն նախատեսում է հետազոտություն անցկացնել Հայաստանում մեղվաբուծության արժեշղթայի ներկա իրավիճակի վերաբերյալ՝ հաշվի առնելով կլիմայի փոփոխության և գյուղատնտեսության ինտենսիվացման մարտահրավերները։ Վերլուծությունը կկատարեն Սլովակիայից ժամանած անկախ փորձագետները։

Ողջունելով միջոցառման մասնակիցներին՝ ՀՀ ԷՆ Գյուղատնտեսության առաջնային արտադրանքի վարչության պետ Լևոն Տեր-Իսահակյանը նշել է, որ Հայաստանում մեղվաբուծությունը գյուղատնտեսության կարևորագույն ճյուղերից է, որն ունի ռազմավարական մեծ նշանակություն երկրի պարենային անվտանգության մակարդակի բարձրացման տեսանկյունից, ինչպես նաև կարևոր է ագրոնոմիական տեսանկյունից՝ մշակաբույսերի փոշոտման և կայուն բերքի ապահովման առումով։

Լևոն Տեր-Իսահակյանը ներկայացրել է նաև ոլորտի վիճակագրական որոշ տվյալներ, որոնց համաձայն մեղվափեթակների քանակը տատանվում է տարեկան 230 հազարի սահմաններում, իսկ մեղրի արտադրության ծավալները տարեկան կազմում են շուրջ 3500 տոննա։ Նրա խոսքով՝ 2021 թվականին արտահանվել է մեղրի առավելագույն քանակը՝ շուրջ 90 տոննա։ Հայկական մեղրն արտահանվում է տարբեր ուղղություններով՝ դեպի ԱՊՀ երկրներ, ԱՄՆ, Կանադա, Չինաստան, Ճապոնիա, Շվեյցարիա և եվրոպական մի շարք այլ երկրներ։  

Ավստրիական զարգացման գործակալության երևանյան գրասենյակի ղեկավար Կլաուս Կապերը գոհունակությամբ նշել է, որ EU-GAIA ծրագիրը ամենահաջողված ծրագրերից է, որը նպաստում է Հայաստանում Կանաչ գյուղատնտեսության զարգացմանը։  

EU-GAIA ծրագրի քաղաքականության և շահերի պաշտպանության փորձագետ Վադիմ Ուզունյանն իր ելույթում ներկայացրել է մեղվաբուծության ոլորտի կարողությունների զարգացման ծրագրի մանրամասներն ու իրականացման փուլերը։ 

Ակնկալվում է, որ փորձագիտական ուսումնասիրությունը գնահատվելու է տեղում կատարվող հետազոտությունների հիման վրա՝ ուսումնասիրելով մեղվաբուծության ոլորտի ազգային օրենսդրությունը, մեղվաբուծության պետական ֆինանսական աջակցության մեխանիզմները, մեղվաբույծների սոցիալ-տնտեսական զարգացումը, մեղրի և մեղվաբուծական արտադրանքի արտահանման ցուցանիշները, գյուղատնտեսական պրակտիկայում ագրոպեստիցիդների կիրառման վերահսկումը, մեղվաընտանիքների մահվան պատճառները և այլն։

Բացի այդ, նախատեսվում է ստեղծել Հայաստանում մեղվաբուծության կայուն զարգացման բարելավումը համակարգող փորձագիտական ակտիվ խումբ։ Դասախոսություններ կկազմակերպվեն ընտրված թեմաներով կառավարության, համալսարանների և գիտահետազոտական ինստիտուտների անմիջական խորհրդակցությամբ և քննարկմամբ:

Հետազոտության արդյունքները կօգտագործվեն որպես ուղեցույց ոլորտի բոլոր համապատասխան շահագրգիռ կողմերի, մասնավորապես ՀՀ էկոնոմիկայի նախարարության քաղաքականություն մշակողների համար՝ մեղվաբուծության և մեղրի արտադրության համար բարենպաստ միջավայր ստեղծելու համար։

 

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00