Տեղի է ունեցել ֆրանչայզինգի ոլորտին նվիրված միջոցառում
Նախարարի տեղակալ Ռաֆայել Գևորգյանը հուլիսի 26-ին մասնակցել է «Ֆրանչայզինգի զարգացման խորհրդատվություն Հայաստանում» միջոցառմանը, որն իրականացվել է ԱՄՆ առևտրի դեպարտամենտի ֆինանսավորմամբ և ՀՀ Էկոնոմիկայի նախարարության և Հայաստանում ԱՄՆ դեսպանատան համատեղ ջանքներով։
Ծրագիրը նպատակ ունի գնահատել Հայաստանում ֆրանչայզինգի շուկայի հնարավորությունները և նպաստել ԱՄՆ-ի և Հայաստանի միջև ներդրումների և առևտրի ընդլայնմանը։
Միջոցառմանը մասնակցում էին պետական գերատեսչությունների, մասնավոր հատվածի և շահագրգիր այլ մարմինների ներկայացուցիչներ։
Ռաֆայել Գևորգյանը՝ ողջունելով մասնակիցներին և ընդգծելով միջոցառման կարևորությունը՝ վստահություն է հայտնել, որ ֆրանչայզինգի ոլորտի զարգացումը Հայաստանում կարող է նպաստել նաև ներդրումների ավելացմանն ու մրցակցության զարգացմանը։
Միջոցառման ընթացքում միջազգային փորձագետների կողմից ներկայացվել է ֆրանչայզինգի պատմությունը, հիմնական տարրերը, տեսակներն ու այս ոլորտում ներդրումների առանձնահատկությունները։
Հանդիպմանը քննարկվել է նաև Հայաստանում ֆրանչայզինգի ոլորտի առկա վիճակն ու կանխատեսվող հեռանկարները, ինչպես նաև Հայաստանի տնտեսության վրա դրա հնարավոր ազդեցությունը։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`