Քննարկվել են տնտեսության ոլորտում հայ-սիրիական համագործակցության ընդլայնման հնարավորությունները
ՀՀ Էկոնոմիկայի նախարար Վահան Քերոբյանը հուլիսի 18-ին ընդունել է Հայաստանի Հանրապետությունում Սիրիայի Արաբական Հանրապետության նորանշանակ դեսպան Նորա Արիսյանին։
Ողջունելով դեսպանին՝ Վահան Քերոբյանը նշել է, որ առկա է հայ-սիրիական տնտեսական հարաբերությունների զարգացման մեծ ներուժ, սակայն աանհրաժեշտ է, որպեսզի հայ և սիրիացի գործարարներն ավելի իրազեկված լինեն ու բացահայտեն միմյանց կարողությունները, որպեսզի հնարավորություն ունենան ձևավորել արդյունավետ գործակցություն ու ստեղծել ամուր գործարար կապեր։
Երկկողմ համագործակցության առավել հեռանկարային ուղղությունների թվում նախարարը, մասնավորապես, նշել է արդյունաբերության (այդ թվում՝ թեթև արդյունաբերության), գյուղատնտեսության ու առևտրի բնագավառները։
Շնորհակալություն հայտնելով ընդունելության համար՝ Նորա Արիսյանը նշել է, որ պատմականորեն Հայաստանի և Սիրիայի միջև ձևավորվել են ամուր բարեկամական հարաբերություններ և ներկայում Սիրիայի թե՛ պետական և թե՛ գործարար շրջանակները մեծապես հետաքրքրված են Հայաստանի հետ տնտեսական փոխգործակցության մակարդակի բարձրացմամբ։
Նորա Արիսյանը նաև տեղեկացրել է, որ աշնանը նախատեսվում է սիրիացի գործարարների պատվիրակության այց Հայաստան։ Ի պատասխան՝ նախարար Վահան Քերոբյանը պատրաստակամություն է հայտնել հնարավորինս աջակցել հայ- սիրիական գործարար կապերի ամրապնդմանը։
Հանդիպման ընթացքում քննարկվել են նաև Հայ-սիրիական միջկառավարական հանձնաժողովի հերթական նիստի կազմակերպմանն ու անցկացմանը վերաբերող հարցեր։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`