Անի Իսպիրյանն ընդունել է ներդրումների միջազգային փորձագետ Դեքլան Մըրֆիին
ՀՀ Էկոնոմիկայի նախարարի տեղակալ Անի Իսպիրյանը հունիսի 6-ին ընդունել է ներդրումների միջազգային փորձագետ Դեքլան Մըրֆիին՝ Հայաստանում ներդրումային քաղաքականությանը վերաբերող մի շարք հարցեր քննարկելու նպատակով։
Հանդիպման սկզբում Անի Իսպիրյանը բարձր է գնահատել միջազգային գործընկերների պատրաստակամությունը աջակցել Հայաստանում ներդրումային միջավայրի բարելավմանը։
Այնուհետև նախարարի տեղակալը համառոտ ներկայացրել է Հայաստանի ներդրումային ոլորտի ներկա վիճակը և ընդգծել, որ այս ոլորտում իրականացվող քաղաքականությունը միտված է հնարավորինս նպաստել նոր ներդրումների ներգրավմանն ու ներդրումային տեսանկյունից Հայաստանի գրավչության բարձրացմանը։
Շնորհակալություն հայտնելով ընդունելության համար՝ Դեքլան Մըրֆին ներկայացրել է ներդրումների ոլորտում տարբեր երկրների փորձն ու այս ուղղությամբ որոշ երկրներում պետության կողմից վարվող քաղաքականությունն ու ոլորտում առկա խնդիրների հնարավոր լուծումները։
Առանձին անդրադարձ է կատարվել Հայաստանի ներդրումային միջավայրի բարելավմանը, նոր ներդրումների ներգրավման հարցում մեր երկրի ճանաչելիության բարձրացմանը, ոլորտում իրականացվող հարկային քաղաքականությանն ու գործող օրենսդրական կարգավորումներին։
Զրուցակիցները համակարծիք էին, որ ներդրումային քաղաքականությունն առավել արդյունավետ մշակելու և կազմակերպելու նպատակով չափազանց կարևոր է պետության ու մասնավոր հատվածի սերտ համագործակցությունը։
Հանդիպման ընթացքում քննարկվել են նաև ներդրումային ոլորտում պետության կողմից իրականացվող քաղաքականությանն ու կիրառվող գործիքակազմին առնչվող մի շարք այլ հարցեր։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`