Արշակ Ասլանյանը Լիտվայի Հանրապետության դեսպանի հետ քննարկել է առևտրատնտեսական ոլորտում համագործակցության հեռանկարները
Նախարարի տեղակալ Արշակ Ասլանյանը փետրվարի 8-ին ընդունել է Լիտվայի Հանրապետության արտակարգ և լիազոր դեսպան Ինգա Ստանիտե-Տոլոչկիենեին՝ առևտրատնտեսական ոլորտում երկկողմ համագործակցությանն առնչվող խնդիրները քննարկելու նպատակով։
Ողջունելով հյուրերին՝ Արշակ Ասլանյանը կարևորել է ԵՄ Արևելյան գործընկերության շրջանակներում հայ-լիտվական համագործակցությունը, բազմակողմ համագործակցության ընթացիկ համատեղ ծրագրերի իրականացումը, լավագույն փորձի տեղայնացման միջոցով` բիզնես միջավայրի զարգացման ապահովումը, գործարար կապերի ստեղծումն ու խորացումը։
Հանդիպման ընթացքում կողմերը քննարկել են Հայաստանի և Լիտվայի միջև առևտրաշրջանառության ծավալների ավելացմանը, առևտրատնտեսական համագործակցության ոլորտում երկկողմ առևտրային առաքելությունների, գործարար համաժողովների կազմակերպմանը, ինչպես նաև մասնագիտացված ցուցահանդեսներին ու տոնավաճառներին մասնակցության հանրցեր:
Տեղեկացնելով, որ Հայաստանում այս տարի մեկնարկել է Տեքստիլ արդունաբերության աջակցման ծրագիրը՝ Արշակ Ասլանյանն առաջարկել է լիտվական կողմին դիտարկել այս ոլորտում հայ–լիտվական համատեղ ձեռնարկությունների հիմնման հնարավորությունը։
Առանձին անդրադարձ է կատարվել գյուղատնտեսության տարբեր ոլորտներում՝ (ձկնորսություն, գյուղատնտեսական արտադրանքի որակի վերահսկողություն և սննդի անվտանգություն, բույսերի առողջություն և բույսերի պաշտպանություն) փորձի փոխանակմանը:
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`