Քննարկվել են հայ-ավստրիական տնտեսական համագործակցության հեռանկարները
Փետրվարի 2-ին Վահան Քերոբյանն ընդունել է Ավստրիայի թվայնացման և գործարար կապերի դաշնային նախարարության տնտեսական հարցերի, նորարարության և միջազգային քաղաքականության գլխավոր տնօրեն, հայ-ավստրիական առևտրատնտեսական և գիտատեխնիկական համագործակցության միջկառավարական հանձնաժողովի ավստրիական կողմի համանախագահ Ֆլորիան Ֆրաուշերին և նրա գլխավորած պատվիրակության ներկայացուցիչներին։
Վերջիններս Հայաստանում են հայ-ավստրիական առևտրատնտեսական և գիտատեխնիկական համագործակցության միջկառավարական հանձնաժողովի նիստին և նիստի շրջանակում անցկացվելիք հայ–ավստրիական գործարար համաժողովին մասնակցելու նպատակով։
Հանդիպմանը մասնակցել է նաև ՀՀ էկոնոմիկայի նախարարի տեղակալ, հայ-ավստրիական առևտրատնտեսական և գիտատեխնիկական համագործակցության միջկառավարական հանձնաժողովի հայկական կողմի համանախագահ Ռաֆայել Գևորգյանը։
Հանդիպման ընթացքում կողմերը քննարկել են հայ-ավստրիական տնտեսական համագործակցության հեռանկարները։
Վահան Քերոբյանը նշել է, որ հայ-ավստրիական տնտեսական համագործակցությունն ընդլայնելու լայն հնարավորություններ և մեծ ներուժ կա։ Նա նաև նշել է, որ գործարար համաժողովները լավ հարթակ են գործարար հետաքրքրությունների, մտադրությունների իրականացման, նոր կապերի հաստատման և գործընկերներ գտնելու առումով, և համոզմունք է հայտնել, որ փետրվարի 3-ին կայանալիք հայ-ավստրիական առևտրատնտեսական և գիտատեխնիկական համագործակցության միջկառավարական հանձնաժողովի նիստը, և նիստի շրջանակում անցկացվելիք գործարար համաժողովը նոր հեռանկարներ կբացեն փոխշահավետ համագործակցությունը խորացնելու համար։
Ավստրիական կողմի ներկայացուցիչները նախարարին ներկայացրել են իրենց կազմակերպությունների գործունեությունը և հետաքրքրությունները՝ նշելով, որ պատրաստ են ընդլայնելու առկա համագործակցությունը։
Որպես համագործակցության ուղղություններ առանձնացվել են առևտրի, արդյունաբերության, բարձր տեխնոլոգիաների, գյուղատնտեսության, զբոսաշրջության, թվայնացման, փոքր և միջին ձեռներեցության զարգացման, առողջապահության, մտավոր սեփականության և նորարարության ոլորտները։
Նախարարը նաև ներկայացրել է ՀՀ կառավարության ծրագրի տնտեսական հատվածը, առաջնահերթությունները, նախատեսվող ծրագրերն ու բարեփոխումները։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`