Արման Խոջոյանը մասնակցել է Հայաստանի ազգային պոլիտեխնիկական համալսարանի Կապանի մասնաճյուղի տեխնոլոգիական կենտրոնի բացմանը
Նոյեմբերի 12-ին էկոնոմիկայի նախարարի տեղակալ Արման Խոջոյանը մասնակցել է Սյունիքի հարցերով միջգերատեսչական աշխատանքային խմբի հերթական նիստին, որն անցկացվել է Կապան համայնքի Շիկահող բնակավայրում։
Այնուհետև էկոնոմիկայի նախարարի տեղակալը ներկա է գտնվել Հայաստանի ազգային պոլիտեխնիկական համալսարանի Կապանի մասնաճյուղի տեխնոլոգիական կենտրոնի բացման արարողությանը։ Կենտրոնի լաբորատոր սարքավորումները և գույքը ձեռք են բերվել միջազգային ծրագրով, իսկ տարածքի վերանորոգման աշխատանքներն իրականացվել են միջգերատեսչական աշխատանքային խմբի կողմից։
Այս կենտրոնը, որի ստեղծման համար կատարվել է շուրջ 55 մլն դրամի ներդրում, կդառնա Կապանի գյուղական բնակավայրերում կառուցվող կարևորագույն զարգացման կենտրոններից մեկը:
Այցի շրջանակում Արման Խոջոյանը մասնակցել է նաև Շիկահողում Կարի արտադրամասի բացմանը։ Այստեղ կատարվել է շուրջ 150 հազար ԱՄՆ դոլարի ներդրում, մշտական աշխատանքով ապահովվել է 14 կին։
Միջոցառման ընթացքում «Չաարատ Կապան» ՓԲ ընկերության և Շիկահողի կարի արտադրամասի միջև կնքվել է համագործակցության հուշագիր, համաձայն որի «Չաարատ Կապան» ՓԲ ընկերության պատվերների մի մասը կկատարի այս կարի արտադրամասը։
Արտադրամասը իր կարողությունների սահմանում կկատարի նաև շրջակա միջավայրի նախարարության Անտառային կոմիտեի «Հայանտառ» ՊՈԱԿ-ի և «Զանգեզուր կենսոլորտային համալիր»-ի պատվերների մի մասը։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`