Վահան Քերոբյանն ընդունել է ԱՄՆ ՄԶԳ վաշինգտոնյան գրասենյակի փոխտնօրեն Ալեքսանդր Սոկոլովսկու գլխավորած պատվիրակությանը

08 Նոյեմբերի, 2021

Նոյեմբերի 4-ին նախարար Վահան Քերոբյանն ընդունել է ԱՄՆ Միջազգային զարգացման գործակալության վաշինգտոնյան գրասենյակի փոխտնօրեն Ալեքսանդր Սոկոլովսկու գլխավորած պատվիրակությանը։ Հանդիպմանը մասնակցել են նաև նախարարի տեղակալներ Անի Իսպիրյանը, Արշակ Ասլանյանը, ԱՄՆ ՄԶԳ հայաստանյան առաքելության տնօրեն Ջոն Ալելոն, էկոնոմիկայի նախարարության և ԱՄՆ ՄԶԳ-ի այլ ներկայացուցիչներ։

Ողջունելով պատվիրակության անդամներին՝ նախարարն ընդգծել  է, որ բարձր է գնահատում ԱՄՆ կառավարության շարունակական աջակցությունը Հայաստանի կառավարությանը։ Նա կարևորել է ԱՄՆ ՄԶԳ-ի հետ գործակցության արդյունավետությունը՝ հատկապես շեշտելով տնտեսության զարգացմանն ուղղված, արդեն իսկ իրականացված  և ընթացքի մեջ գտնվող ծրագրերը։

Հանդիպման ընթացքում կողմերը քննարկել են բիզնես ոլորտին և զբոսաշրջությանը վերաբերող ծրագրեր և ոլորտների զարգացմանն ուղղված հարցեր։ Ամփոփվել են նաև ընթացիկ տարվա դեկտեմբերին ավարտվող «Իմ Հայաստան» ծրագրի արդյունքները։

Անդրադառնալով ծրագրի շրջանակում զբոսաշրջության ոլորտի համար մշակված «Հայաստանի օրինակելի փորձառություններ» գնահատման չափանիշներին` նախարար Վահան Քերոբյանը նշել է, որ կատարվել է հիանալի աշխատանք, նաև տեղեկացրել, որ չափանիշներն արդեն իսկ ուղարկվել են Ստանդարտացման և չափագիտության ազգային մարմին` հաստատելու և կիրառության մեջ դնելու նպատակով։ Նախարարը նաև համոզմունք է հայտնել, որ մշակված փորձառությունների շնորհիվ զբոսաշրջության ոլորտը զգալիորեն կբարելավվի և կստեղծվի հնարավորություն՝ հասնելու զբոսաշրջության ոլորտում նպատակներից մեկի իրականացմանը՝ դեպի Հայաստան միջինից բարձր դասի զբոսաշրջիկներ ներգրավելուն։

Խոսելով երկրի տնտեսության զարգացման համար  զբոսաշրջության կարևորության մասին՝ Ալեքսանդր Սոկոլովսկին ընդգծել է ԱՄՆ ՄԶԳ դերը զբոսաշրջության ռազմավարության մշակման գործում, նաև հետաքրքրվել Հայաստանի կառավարության կողմից ոլորտում իրականացվող ծրագրերով, մասնավորապես՝  տարածաշրջանային զբոսաշրջության զարգացման ուղղությամբ։

Վահան Քերոբյանը տեղեկացրել է, որ Հայաստանի կառավարության ծրագրում զբոսաշրջության զարգացմանը առանձին հատված է նվիրված, և կառավարությունը նախատեսում է մեծ ներդրումներ անել զբոսաշրջության ենթակառուցվածքների զարգացման մեջ։

Նախարարը նաև տեղեկացրել է, որ աշխատանքներ են իրականացվում  տարածաշրջանային կապերի ամրապնդման ուղղությամբ։ Նա նշել է Հայաստանի և Վրաստանի ակտիվ համագործակցության մասին և հավելել, որ դիտարկվում է Երևանի ու Թբիլիսիի միջև արագընթաց գնացքի գործարկման հնարավորությունը, ինչը  կնպաստի երկկողմ զբոսաշրջային հոսքերի կտրուկ ավելացմանը, ինչպես նաև միասնական զբոսաշրջային փաթեթների մշակմանը և առաջխաղացմանը։

Վահան Քերոբյանն անդրադարձել է նաև պետություն-մասնավոր հատված երկխոսության կայացման գործում ԱՄՆ ՄԶԳ-ի դերին` առանձնացնելով այդ ուղղությամբ տարածաշրջանային մակարդակով աշխատանքների իրականացման անհրաժեշտությունը։

Հանդիպման ավարտին կողմերը մեկ անգամ ևս հավաստել են համագործակցությունն ընդլայնելու պատրաստակամությունը։  

Հայաստանում 2021թ․ նախատեսվող ցուցահանդես-տոնավաճառների ցանկ

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԹՈՒՐՔԱԿԱՆ ԾԱԳՄԱՆ ԱՊՐԱՆՔՆԵՐԻ ԱՐԳԵԼՔ

(+374 11) 597 150, (+374 11) 597 153

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00