Վահան Քերոբյանն ընդունել է Հայաստանում Հնդկաստանի դեսպան Կիշան Դան Դևալին

04 Նոյեմբերի, 2021

Նախարար Վահան Քերոբյանը նոյեմբերի 3-ին ընդունել է Հայաստանի Հանրապետությունում Հնդկաստանի Հանրապետության արտակարգ և լիազոր դեսպան Կիշան Դան Դևալին։ Հանդիպմանը մասնակցել է նաև նախարարի տեղակալ Արշակ Ասլանյանը։

Դեսպան Կիշան Դան Դևալը  նշել է, որ Հայաստանի և Հնդկաստանի քաղաքական հարաբերությունները բարձր մակարդակի վրա են և պետք է երկուստեք քայլեր ձեռնարկել տնտեսական համագործակցությունը քաղաքական մակարդակին հավասարեցնելու համար։

Նա տեղեկացրել է, որ Արժույթի միջազգային հիմնադրամի կանխատեսումներով Հնդկաստանը զարգացող երկրների շարքում ունի ամենաարագ զարգացող տնտեսությունը, և հնդկական կողմը մեծապես հետաքրքրված է Հայաստանի հետ իրականացնել փոխշահավետ նախագծեր։

Հանդիպման ընթացքում զրուցակիցներն առանձնացրել են տնտեսության այն հիմնական ոլորտները, որոնց ուղղությամբ առավել նպատակահարմար է զարգացնել երկու երկրների միջև տնտեսական համագործակցությունը՝ մետաղագործություն, մեքենաշինություն, տեքստիլ արդյունաբերություն, ադամանդագործություն, ոսկերչություն, դեղագործություն և կրեատիվ ինդուստրիա։

Դեսպանը տեղեկացրել է, որ հնդկական ընկերությունները հետաքրքրված են Հայաստանի ենթակառուցվածքային ծրագրերով և պատրաստ են մասնակցել պետական գնումների գործընթացին։

Վահան Քերոբյանը ողջունել է այդ գաղափարը և նշել, որ միջոցներ են ձեռնարկվելու գործընկեր պետություններին Հայաստանում իրականացվող պետական գնումների վերաբերյալ առավել մանրամասն և օպերատիվ տեղեկատվություն տրամադրելու ուղղությամբ։

Հաշվի առնելով Եվրասիական տնտեսական միությանը Հայաստանի անդամակցության հանգամանքը` Վահան Քերոբյանը առաջարկել է դեսպանին դիտարկել դեպի ԵԱՏՄ մյուս շուկաներ դուրս գալու հնարավորությունը։ 

Երկկողմ գործարար կապերն ավելի ամրապնդելու նպատակով նախարարն առաջարկել է ակտիվորեն մասնակցել երկու երկրներում կազմակերպվող գործարար համաժողովներին, ցուցահանդեսներին և տոնավաճառներին, ինչը հնրավարություն կտա երկու երկրների գործարարներին ստեղծելու անմիջական կապեր և իրականացնելու համատեղ ծրագրեր։

Կիշան Դան Դևալը տեղեկացրել է, որ Հնդկաստանում առաջիկայում կկազմակերպվի “India Expo 2022” խոշոր ցուցահանդես և հրավիրել հայկական ընկերություններին առանձին տաղավարով մասնակցել այդ ցուցահանդեսին։

Անդրադառնալով զբոսաշրջության ոլորտում երկկողմ համագործակցությանը՝ Վահան Քերոբյանն առաջարկել է Հնդկաստանում կազմակերպել Հայաստանի մասին տեղեկատվական արշավ՝ մեր երկրի ճանաչելիությունը բարձրացնելու նպատակով։ Այդ աշխատանքը կազմակերպելու համար, կողմերի պայմանավորվածությամբ, Հայաստանից ներկայացուցիչ կգործուղվի Հնդկաստան։

Դու կարող ես կանխել կոռուպցիան

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԹԵԺ ԳԻԾ

81-40

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00