Էկոնոմիկայի նախարարության որակի ենթակառուցվածքների զարգացման վարչության ներկայացուցիչները մասնակցել են հոկտեմբերի 13-15-ին Սանկտ Պետերբուրգում տեղի ունեցած «Ստանդարտացման ռուսական շաբաթ» միջազգային տեխնոլոգիական համաժողովին։

Քննարկվել են տեխնիկական կանոնակարգման ոլորտի զարգացման նոր մարտահրավերները, միջազգային, տարածաշրջանային և ազգային ստանդարտացման զարգացման նոր միտումները, համապատասխանության գնահատման ոլորտի մաս կազմող կամավոր սերտիֆիկացման հարցերը, շինարարության բնագավառում նոր իրավական կարգավորումները։

Մենդելևի անվան Չափագիտության Համառուսաստանյան գիտա-հետազոտական ինստիտուտի ղեկավարության հետ հանդիպման արդյունքում նախարարության որակի ենթակառուցվածքների զարգացման վարչության, Մենդելևի անվան համառուսաստանյան գիտա-հետազոտական ինստիտուտի և Ստանդարտացման և չափագիտության ազգային ինստիտուտի միջև եռակողմ համագործակցության վերաբերյալ պայմանավորվածություն է ձեռք բերվել։

***

Հոկտեմբերի 18-21-ին վարչության ներկայացուցիչները Կրասնոդարում մասնակցել են ԵԱՏՄ նիկոտին պարունակող արտադրանքի տեխնիկական կանոնակարգման հարցերով  ՌԴ Ծխախոտի և ծխախոտային արտադրանքի Համառուսաստանյան գիտահետազոտական ինստիտուտի (ФГБНУ ВНИИТТИ) կողմից կազմակերպված «Կլոր սեղան»-ին։

Միջոցառման շրջանակներում քննարկվել է ՀՀ էկոնոմիկայի նախարարության կողմից մշակված «Նիկոտին պարունակող արտադրանքի մասին տեխնիկական կանոնակարգ» ԵԱՏՄ տեխնիկական կանոնակարգի նախագծով սահմանված ցուցանիշների և պարտադիր պահանջների փոփոխության հարցը։

ՌԴ Ծխախոտի և ծխախոտային արտադրանքի Համառուսաստանյան գիտահետազոտական ինստիտուտում կազմակերպված հանդիպման ժամանակ ներկայացվել են նաև լաբորատոր կարողությունները, իրականացվող փորձարկումները և մասնագիտական ներուժը։

Ինստիտուտի, որակի ենթակառուցվածքների զարգացման վարչության և Ստանդարտացման և չափագիտության ազգային մարմնի միջև համագործակցության պայմանվորվածություն է ձեռք բերվել։