Բեռլինում կայացել է հայ-գերմանական միջկառավարական հանձնաժողովի հերթական նիստը

10 Սեպտեմբերի, 2021

Սեպտեմբերի 9-ին Բեռլինում կայացել է ֆինանսական և տեխնիկական համագործակցության հայ-գերմանական միջկառավարական համատեղ հանձնաժողովի հերթական նիստը։

Նիստին մասնակցելու համար սեպտեմբերի 8-ին Բեռլին է մեկնել ՀՀ էկոնոմիկայի նախարարի տեղակալ Ռաֆայել Գևորգյանի գլխավորած պատվիրակությունը, որի կազմում են  տարածքային կառավարման և ենթակառուցվածքների նախարարի տեղակալ Վաչե Տերտերյանը, արդարադատության նախարարի առաջին տեղակալ Քրիստինե Գրիգորյանը, ՀՀ կենտրոնական բանկի ֆինանսական կայունության դեպարտամենտի տնօրեն Անդրանիկ Գրիգորյանը, արտաքին գործերի նախարարության Եվրոպայի վարչության պետ, հանձնաժողովի հայկական կողմի նախագահի տեղակալ Տիգրան Սամվելյանը, էկոնոմիկայի նախարարության արտաքին կապերի վարչության գլխավոր մասնագետ, հանձնաժողովի հայկական կողմի քարտուղար Աստղիկ Ալեքսանյանը։

Հանձնաժողովի հայկական կողմի համանախագահն է էկոնոմիկայի նախարարի տեղակալ Ռաֆայել Գևորգյանը, գերմանական կողմինը` ԳԴՀ տնտեսական համագործակցության և զարգացման նախարարության (BMZ) Մերձավոր Արևելքի, Ասիայի, Լատինական Ամերիկայի, Հարավ-Արևելյան և Արևելյան Եվրոպայի վարչության տնօրեն պրոֆ. դր․ Կլաուդիա Վարնինգը:

Հանձնաժողովի նիստի աշխատանքներին մասնակցել է նաև Գերմանիայի Դաշնությունում Հայաստանի Հանրապետության արտակարգ և լիազոր դեսպան Աշոտ Սմբատյանը։ 

Նիստի ընթացքում քննարկվել են հայ-գերմանական համագործակցությանն առնչվող մի շարք հարցեր։ Կողմերը կարևորել են երկկողմ և տարածաշրջանային համագործակցության զարգացման ուղղություններով (կայուն տնտեսական զարգացում, էներգետիկա,  վերականգնվող էներգիա, շրջակա միջավայր, համայնքային զարգացում, ջրամատակարարում/ջրահեռացում և թափոնների կառավարում, ժողովրդավարություն/տեղական զարգացում) իրականացվող ծրագրերի բարեհաջող ընթացքը:

Քննարկվել են նաև ֆինանսական համագործակցության նախագծերին, մասնավորապես՝ կոմունալ ենթակառուցվածքներին, Կովկասյան էներգետիկ ծրագրերին, ինտեգրացիոն ջրային ռեսուրսների մենենջմենթին առնչվող հարցեր։

Հայկական պատվիրակությունը ներկայացրել է Հայաստանում իրականացված բարեփոխումները, իրավական համակարգի բարեփոխումները, ՓՄՁ աջակցության ծրագրերը։

Երկուստեք կարևորվել է համատեղ իրականացվող բոլոր ծրագրերի շարունակականությունն ապահովելու և դրանք ավարտին հասցնելու անհրաժեշտությունը։ Կողմերը պայմանավորվել են շարունակել աշխատանքները Կովիդ 19-ի հետևանքների վերացման ուղղությամբ։

Քննարկվել են նաև Գերմանիայի տնտեսական համագործակցության և զարգացման դաշնային նախարարության (BMZ) կողմից իրականացվող BMZ 2030 բարեփոխումների ռազմավարության շրջանակներում փոխգործակցության հնարավորությունները։ Նշված ռազմավարության դրույթներից շատերը համահունչ են ՀՀ կառավարության նոր ծրագրին, մասնավորապես՝ կլիմա, առողջապահություն, թվային տեխնոլոգիաներ, ներդրումներ, տեղահանվածներին  առնչվող ծրագրեր։ 

Կողմերը պատրաստակամություն են հայտնել ձեռնարկել բոլոր անհրաժեշտ քայլերը հնարավորինս արագ կազմակերպելու ՀՀ կառավարության և ԳԴՀ կառավարության միջև Միջազգային համագործակցության ընկերություն (ՄՀԸ/GIZ) ՍՊԸ-ի և Վերականգնման վարկերի բանկի (ՎՎԲ/KfW) տեղական գրասենյակների հիմնման մասին համաձայնագրի ստորագրումը։

Պայմանավորվածություն է ձեռք բերվել ՀՀ կառավարության և ԳԴՀ կառավարության միջև սեպտեմբերին ստորագրել ֆինանսական համագործակցության  2020 համաձայնագիրը։

Հիշեցնենք, որ ֆինանսական և տեխնիկական համագործակցության հայ-գերմանական միջկառավարական համատեղ հանձնաժողովի նախորդ նիստը տեղի է ունեցել 2016թ․նոյեմբերի 21-22-ը՝ Երևանում։

 

Հայաստանում 2021թ․ նախատեսվող ցուցահանդես-տոնավաճառների ցանկ

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԹՈՒՐՔԱԿԱՆ ԾԱԳՄԱՆ ԱՊՐԱՆՔՆԵՐԻ ԱՐԳԵԼՔ

(+374 11) 597 150, (+374 11) 597 153

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00