Նախարարի տեղակալ Արման Խոջոյանը խաղողի մթերման մեկնարկին ընդառաջ այցելել է «ՄԱՊ» ընկերություն
Նախարարի տեղակալ Արման Խոջոյանը օգոստոսի 26-ին այցելել է «ՄԱՊ» ՓԲԸ, որտեղ խաղողի մթերման շրջանին ընդառաջ ընթացքի մեջ են վերազինման և նորագույն սարքավորումների ներդրման աշխատանքները։ Այցի ընթացքում փոխնախարարին ուղեկցում էին Հայաստանի խաղողագործության և գինեգործության հիմնադրամի գործադիր տնօրեն Զարուհի Մուրադյանը և Նախարարության պարենային անվտանգության և ագրովերամշակման զարգացման վարչության պետ Գևորգ Ղազարյանը։
Ընկերության տնօրեն Մակար Պետրոսյանի ուղեկցությամբ պաշտոնյաները շրջել են գործարանում, ծանոթացել խաղողի մթերման պայմաններին՝ ընդունման փուլից սկսած մինչև պատրաստի արտադրանքի շշալցում և փաթեթավորում։
Վերազինման արդյունքում 2020-2021 թթ. գործարանում ներդրվել են գինու և կոնյակի շշալցման նոր հոսքագծեր, որոնք էապես կնպաստեն պատրաստի արտադրանքի ծավալների մեծացմանը։ Հոսքագծերի ձեռքբերման նպատակով ընկերությունն օգտվել է նաև ագրոպարենային ոլորտի սարքավորումների ֆինանսական վարձակալության՝ լիզինգի պետական աջակցության ծրագրից։
Ընկերությունը մթերումները կազմակերպում է տարածաշրջանի համայնքներից։ Գործում է նաև պահածոների արտադրամաս, որի տեսականին պարբերաբար համալրվում է։
Գործարանում 2020 թվականից ներդրվել է կշռման թվայնացված համակարգ, ինչը թույլ կտա առավել ճշգրիտ իրականացնել մթերման հաշվարկները, իսկ ներդրված բարձրակարգ իտալական սարքավորումները հնարավորություն են ընձեռում մարդկային գործոնը հասցնել նվազագույնի՝ դրանով իսկ ապահովելով բարձրորակ արտադրանք։
Գործարանի տնօրենը հյուրերին ներկայացրել է նաև գինու և կոնյակի մառանները, ինչպես նաև կոլեկցիոն կոնյակների սրահները, որտեղ հնեցվում են ընկերության կոնյակի սպիրտի պաշարները։
Մակար Պետրոսյանն ընդգծել է, որ «ՄԱՊ» ընկերությունը մեծապես հետաքրքրված է համաշխարհային շուկայում հայկական գինիների ճանաչելիության բարձրացման, ինչպես նաև Հայաստանում գինու տուրիզմի զարգացման հեռանկարներով և այդ ուղղությամբ ընկերությունը նույնպես քայլեր է ձեռնարկում։
Շրջայցի ընթացքում նախարարի տեղակալ Արման Խոջոյանը պատրաստակամություն է հայտնել պետական աջակցության գործիքակազմերի շրջանակում հնարավորինս նպաստել վերամշակող ընկերությունների գործունեության ընդլայնմանն ու ներդրումային նոր ծրագրերի իրականացմանը:
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
(+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`