Արման Խոջոյանն ընդունել է Հայաստանում Նիդերլանդների դեսպանին
Օգոստոսի 19-ին նախարարի տեղակալ Արման Խոջոյանն ընդունել է Հայաստանում Նիդերլանդների արտակարգ և լիազոր դեսպան Նիկոլաս Յակոբ Սխերմերսին։ Հանդիպմանը մասնակցել են նաև Հայաստանի ազգային ագրարային համալսարանի ռեկտոր Վարդան Ուռուտյանը, Տնտեսական Հետազոտությունների և Զարգացման Աջակցության կենտրոնի գործադիր տնօրեն Ռուբեն Սարուխանյանը և Վագենինգենի համալսարանի ներկայացուցիչ Լուսինե Արամյանը։
Հանդիպման ընթացքում քննարկվել է Հայաստանի և Նիդերլանդների միջև գուղատնտեսության ոլորտում համագործակցության զարգացման նպատակով հայ-նիդերլանդական ցանցային հարթակի ձևավորման հարցը։ Հարթակը թույլ կտա գյուղատնտեսության ոլորտում Նիդերլանդների հարուստ փորձը և գիտելիքները փոխանցել հայ մասնագետներին և ատադրողներին։
Արման Խոջոյանն առանձնացրել է գյուղատնտեսության երեք առաջնային ուղղություններ, որոնց զարգացման գործում նիդերլանդական փորձը և գիտելիքները Հայաստանի համար շատ կարևոր են․ դրանք են՝ բուսաբուծություն` ներառելով սերմերի արտադրությունը և ջերմատնային մշակաբույսերը, վերամշակում և լոգիստիկա։
Նախարարի տեղակալն անդրադարձել է նաև Ագրարային համալսարանը «Գերազանցությունների կենտրոն» դարձնելու գաղափարին՝ նշելով, որ այն նախատեսվում է զինել լավագույն մասնագետներով, որոնք կտիրապետեն ոլորտային ամենաարդիական և թարմ տեղեկատվության, և որտեղ կիրականացվեն գիտահետազոտական և խորհրդատվական ծառայություններ։ Կենտրոնը նաև կմասնակցի գյուղատնտեսության ոլորտի քաղաքականության մշակման գործընթացին։
Հայաստանի ազգային ագրարային համալսարանի ռեկտոր Վարդան Ուռուտյանը ոլորտի զարգացման գործում կարևորել է երկու երկրիների միջև ուսանողների և մասնագետների փոխանակման, ինչպես նաև կարողությունների զարգացման ծրագրերի իրականացումը։ Այդ համատեքստում նա առաջարկել է համագործակցության եզրեր գտնել Վագենինգենի համալսարանի հետ՝ նշելով, որ երկու համալսարանների միջև նմանատիպ ծրագրերի իրականացումը կարող է նոր շունչ հաղորդել ինչպես Հայաստանի կրթական համակարգին, այնպես էլ գյուղատնտեսության ոլորտին ընդհանրապես։
Կողմերը համակարծիք են եղել, որ Հայաստանում հայ-նիդերլանդական համատեղ ծրագրերի պակաս կա և նշել, որ հարկավոր է լրացուցիչ աշխատանքներ իրականացնել բացը լրացնելու համար։ Այս համատեքստում նախարարի տեղակալն առաջարկել է ծրագրերի մեջ դիտարկել փորձագետների համար նախատեսված գրանտային ծրագրերի ներգրավման հեռանկարները։
Հանդիպման ավարտին կողմերը որոշել են ձևավորել աշխատանքային գործունեության ճանապարհային քարտեզ և հստակ քայլերով գնալ առաջ՝ իրագործելու հանդիպման ընթացքում քննարկված գաղափարները։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
(+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`