Պետություն-մասնավոր հատվածի համագործակցությամբ կայացել է Կապիտալի շուկայի զարգացման ծրագրի իրագործման պլանավորման աշխատաժողով

10 Սեպտեմբերի, 2020

Կապիտալի շուկայի զարգացմանն ուղղված արդյունավետ և հետևողական քաղաքականության մշակման նպատակով, պետություն-մասնավոր հատված համագործակցության շրջանակներում, ՀՀ էկոնոմիկայի նախարարության համակարգմամբ, Կենտրոնական բանկի, Ֆինանսների նախարարության, շահագրգիռ այլ գերատեսչությունների և կազմակերպությունների, ոլորտի փորձագետների, ինչպես նաև Արժույթի միջազգային հիմնադրամի (ԱՄՀ) մասնակցությամբ և ջանքերով մշակվել  ու հաստատվել է Կապիտալի շուկայի զարգացման ծրագիրը:

Մեծապես կարևորելով ոլորտի զարգացմամբ հետաքրքրված գերատեսչությունների և մասնագետների ներգրավվածության շարունակականության ապահովումը նշված ծրագրի իրականացման բոլոր փուլերում, ինչպես նաև Հայաստանում կապիտալի շուկայի ոլորտում իրականացվող բարեփոխումների միասնական քաղաքականության կիրառման և ակնկալվող արդյունքների ապահովման անհրաժեշտությամբ պայմանավորված՝ ՀՀ էկոնոմիկայի նախարարությունը սեպտեմբերի 9-ին կազմակերպել է առցանց աշխատանքային հանդիպում։ Աշխատաժողովին մասնակցել են պետական և մասնավոր հատվածի ավելի քան 70 ներկայացուցիչներ, ովքեր անմիջականորեն ներգրավված են գործընթացում։

ՀՀ էկոնոմիկայի փոխնախարար Նաիրա Մարգարյանը ողջունել է աշխատաժողովի մասնակիցներին  և մաղթել արդյունավետ աշխատանք։ Իր խոսքում գործընթացը կարևորել և շարունակական համագործակցության պատրաստակամություն է հայտնել Հայաստանում ԱՄՀ մշտական ներկայացուցիչ Յուլյա Ուստյուգովան։ Աշխատաժողովի մասնակիցները շեշտել են հաստատված ծրագրի մշակման և իրագործման կարևորությունը ոլորտում շոշափելի արդյունքներ գրանցելու տեսանկյունից։

Աշխատաժողովի շրջանակներում ներկայացնելով Կապիտալի շուկայի զարգացման ծրագրի առանցքային դրույթները՝ փորձագետներ Ելենա Խաչվանքյանն ու Նարեկ Շարաֆյանն անդրադարձել են մասնակիցների կողմից բարձրացված հարցերին։ Ծավալված կառուցողական քննարկման արդյունքում, ծրագրի իրագործման նպատակով, ձևավորվել են համապատասխան աշխատանքային խմբեր հետևյալ ուղղություններով․

  • Պետական պարտատոմսեր և դրամական շուկա
  • Ենթակառուցվածքային ծրագրեր, պետական մասնակցությամբ ընկերություններ, համայնքային թողարկումներ
  • Պետական աջակցություն մասնավորներին․ կորպորատիվ կառավարման կանոնագիրք
  • Հաղորդակցություն, տեղեկատվության հասանելիություն, խթանում
  • Ենթակառուցվածք, այդ թվում՝ քրաուդֆանդինգ և նոր տեխնոլոգիաներ
  • Օրենսդրական և կարգավորման համակարգ

Այսպիսով, անցում կատարվեց Կապիտալ շուկայի զարգացման ծրագրի իրագործման փուլ, որը բարդ և աշխատատար, միևնույն ժամանակ հույժ կարևոր գործընթաց է և որին ՀՀ էկոնոմիկայի նախարարությունը հետամուտ է լինելու։

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 542 503, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00