Քննարկվել են Հայաստանի և Հարավաֆրիկյան Հանրապետության տնտեսական կապերը զարգացնելու հնարավորությունները

05 Դեկտեմբերի, 2019

ՀՀ էկոնոմիկայի նախարարի տեղակալ Վարոս Սիմոնյանն ընդունել է Հայաստանի հանրապետությունում Հարավաֆրիկյան Հանրապետության (ՀԱՀ) նորանշանակ արտակարգ և լիազոր դեսպան Անդրե Յոհաննես Գրոնեուալդին:

Վարոս Սիմոնյանը ողջունել է դեսպանին, շնորհավորել պաշտոնը ստանձնելու կապակցությամբ և մաղթել ամենայն հաջողություն Հայաստանում իր առաքելության ընթացքում։ Էկոնոմիկայի փոխնախարարը հույս է հայտնել, որ համատեղ ջանքերով իրականացվելիք հետագա աշխատանքը կնպաստի երկու երկրների միջև տնտեսական հարաբերությունների ամրապնդմանը: Այնուհետև փոխնախարարը համառոտ ներկայացրել է Հայաստանի տնտեսության ներկա վիճակը, մասնավորապես դեսպանի ուշադրությունը հրավիրելով մի շարք զարգացած երկրների կողմից Հայաստանին ընձեռած Արտոնությունների ընդհանրացված համակարգից /GSP/, ինչպես նաև ԵՄ երկրների հետ գործող` GSP+ Արտոնությունների ընդհանրացված և համալրված համակարգից օգտվելու հնարավորություններին:

Վարոս Սիմոնյանը նշել է նաև Հայաստանի՝ ԵԱՏՄ անդամակցությամբ պայմանավորված առավելությունները, պատմել մի շարք երկրների հետ ԵԱՏՄ հարթակում, ինչպես նաև երկկողմ ձևաչափով Հայաստանի տնտեսության ոլորտներին առնչվող բանակցային գործընթացների մասին:

Էկոնոմիկայի նախարարի տեղակալը կարևորել է Հայաստանի և ՀԱՀ-ի միջև ներդրումների խրախուսման և փոխադարձ պաշտպանության համար համապատասխան համաձայնագրի ստորագրմանն ուղղված գործընթացի ինտենսիվացումը և ներկայացրել այն հիմնական հարցերի շրջանակը, որոնց ուղղությամբ առաջիկայում հնարավոր կլինի զարգացնել երկու երկրների միջև տնտեսական համագործակցությունը։

Դեսպան Անդրե Յոհաննես Գրոնեուալդն իր խոսքում նշել է, որ Հարավաֆրիկյան Հանրապետությունը Աֆրիկայի ամենազարգացած արդյունաբերական, ֆինանսական և տեխնոլոգիական երկրներից է և ունի տարածաշրջանի ամենամեծ շուկան: Դեսպանը հավելել է, որ ՀԱՀ-ն ունի ժամանակակից տնտեսական ենթակառուցվածք` հաղորդակցության, էներգետիկայի, տրանսպորտի, մեքենաշինության, մետալուրգիայի զարգացած ոլորտներ, ինչպես նաև քիմիական, թեթև և ռազմական արդյունաբերություն:

Կողմերը փաստել են, որ երկու երկրների միջև առկա է մեծ ներուժ ընդլայնելու փոխգործակցությունը ադամանդագործության և ոսկեգործության ոլորտներում:  Ձեռք է բերվել պայմանավորվածություն գործնական քայլեր ձեռնարկել երկու երկրների միջև զբոսաշրջության, փոքր և միջին ձեռնարկատիրության, թեթև արդյունաբերության, գյուղատնտեսության, տեղեկատվական տեխնոլոգիաների (այդ թվում՝ արհեստական բանականության) ոլորտներում համագործակցություն սկսելու ուղղությամբ:

Կարևորվել է փոխգործակցության անհրաժեշտությունը երկու երկրների գործարարների և կազմակերպությունների միջև տնտեսական կապերը զարգացնելու և նոր կապեր ստեղծելու ուղղությամբ։

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 529 333, (+374 11) 530 333, (+374 11) 525 232

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00