Վարոս Սիմոնյանը Մոսկվայում մասնակցել է «Եվրասիական տնտեսական ինտեգրում» XIV ամենամյա միջազգային համաժողովին

29 Նոյեմբերի, 2019

Նոյեմբերի 29-ին Մոսկվայում տեղի է ունեցել Եվրասիական զարգացման բանկի կողմից կազմակերպված «Եվրասիական տնտեսական ինտեգրում» XIV ամենամյա միջազգային համաժողովը, որին մասնակցել են ԵԱՏՄ անդամ պետությունների պաշտոնյաներ, ֆինանսական կազմակերպությունների, պետական գերատեսչությունների, տնտեսվարող սուբյեկտների ներկայացուցիչներ։ 

Միջոցառմանը մասնակցել է նաև ՀՀ էկոնոմիկայի նախարարի տեղակալ Վարոս Սիմոնյանը։

Համաժողովը բացել է Եվրասիական զարգացման բանկի (ԵԶԲ) Խորհրդի նախագահ Անդրեյ Բելյանինովը։

Ամենամյա համաժողովի նպատակն է հարթակ ձևավորել հաղորդակցության, տեղեկատվության և գաղափարների փոխանակման համար ֆինանսական կազմակերպությունների, պետական հաստատությունների և տնտեսվարող սուբյեկտների ներկայացուցիչների միջև։

Այս տարի համաժողովը նվիրված էր եվրասիական ինտեգրման ներկա օրակարգին։ Պանելային քննարկումները վերաբերում էին ձեռնարկատիրության և արդյունաբերական համագործակցության զարգացման խնդիրներին, ներառյալ փոքր և միջին բիզնեսի ոլորտում ներդրումային միջավայրը, ազգային և համատեղ արտադրված ապրանքների արտահանման խթանմանը, վերականգնվող էներգետիկայի և կանաչ տնտեսության նախագծերի իրականացմանը, ֆինանսական շուկաների զարգացմանը և այլն։

ՀՀ էկոնոմիկայի նախարարի տեղակալ Վարոս Սիմոնյանը, ողջունելով միջոցառման մասնակիցներին, իր խոսքում նշել է, որ գլոբալիզացիայի ժամանակակից դարաշրջանում օրեցօր մեծանում է  պետությունների փոխկապակցվածության աստիճանը կյանքի բոլոր ոլորտներում, և այս համատեքստում տարածաշրջանային միություններն սկսում են ավելի կարևոր դեր խաղալ։ Ինտեգրումը դառնում է միջպետական համագործակցության ձև, իսկ ինտեգրումն, առաջին հերթին, երկարաժամկետ կայուն պայմաններն են տնտեսական զարգացման և նոր հնարավորությունները՝ քաղաքացիների բարեկեցության համար:

«Եվրասիական տնտեսական միությունը մենք դիտարկում ենք որպես բաց տնտեսական միավորում՝ ձևավորված գլոբալ հարաբերություններով՝ որպես հուսալի կամուրջ Եվրոպայի և Ասիայի միջև։ Եվրասիական տնտեսական ինտեգրման նախագիծը ժամանակակից ինտեգրացիոն գործընթացների համաշխարհային ասպարեզում մեր կողմից դիտարկվում է որպես կարևորագույն իրողություններից մեկը, իսկ ինտեգրման խորացումը մեր երկրների և ժողովուրդների շահերից է բխում: Եվրասիական տնտեսական միությունը նոր հնարավորություն է առաջին հերթին մեր երկրների միլիոնավոր քաղաքացիների համար: Ներկայումս ստեղծվում են բարենպաստ պայմաններ միության անդամ երկրներում փոքր և միջին ձեռնարկությունների զարգացման համար, միավորվում են աշխատանքային ռեսուրսները շուկաները։ Մենք գտնում ենք ենք, որ աշխարհը զգալիորեն փոխվել է, և այժմ երկների հեռահար նպատակներից է ոչ միայն առկա ինտեգրացիոն հիմքերի ամրապնդումը, այլ նաև ԵՏՄ ինտեգրման օրակարգի ընդլայնումն ու թարմացումը:

Մենք ձգտում ենք ԵԱՏՄ-ն տեսնել որպես ժամանակակից միավորում, աշխարհի առաջատար տնտեսական կենտրոններից մեկը, որը հարմարավետ է բիզնես ծավալելու համար, գրավիչ միջազգային գործարար հանրության համար», - ասել է Վարոս Սիմոնյանը:

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 529 333, (+374 11) 530 333, (+374 11) 525 232

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00