Նոյեմբերի 6-ին Չինաստանի մայրաքաղաք Պեկինում Հայաստանի փոխվարչապետ Տիգրան Ավինյանը հանդիպել է չինական «Bank of China» բանկի նախագահ Լիու Լիանգին:

Հանդիպման ավարտին կողմերը` ի դեմս ՀՀ էկոնոմիկայի փոխնախարար Վարոս Սիմոնյանի և «Bank of China»-ի փոխնախագահի, ստորագրել են փոխըմբռնման հուշագիր, որով նախատեսվում է ստեղծել մեխանիզմներ՝ Հայաստանի և Չինաստանի ՓՄՁ-ների փոխադարձ ներդրումները և առևտուրը սպասարկելու համար, ձևավորել հարթակ՝ ՓՄՁ-ների միջսահմանային համընկնումային գործունեությունը խրախուսելու համար, ինչպես նաև համատեղ ուսումնասիրել համագործակցության և ծառայությունների նոր մոդելներ՝ ՓՄՁ-ների համագործակցությանն աջակցելու նպատակով:

Ակտիվների ծավալով «Bank of China» բանկն  աշխարհում չորրորդ ամենամեծ բանկն է։

Հիշեցնենք, որ Շանհայում Չինաստանի միջազգային ներմուծման ցուցահանդեսին մասնակցելու և Պեկինում գործարար համայնքի հետ հանդիպումներ ունենալու նպատակով նոյեմբերի 3-ից 7-ը Չինաստանում էր Հայաստանի Հանրապետության փոխվարչապետ  Տիգրան Ավինյանի գլխավորած պատվիրակությունը, որի կազմում էին ՀՀ էկոնոմիկայի նախարարի տեղակալ Վարոս Սիմոնյանը, ՀՀ արտաքին գործերի նախարարի տեղակալ Ավետ Ադոնցը, փոխվարչապետ Տիգրան Ավինյանի օգնական Վիկտորյա Այդինյանը և ՀՀ էկոնոմիկայի նախարարության արդյունաբերության զարգացման վարչության պետ Արմեն Եգանյանը։

Տե՛ս նաև՝ https://www.gov.am/am/news/item/14002/ ։