ՀՀ էկոնոմիկայի նախարար Տիգրան Խաչատրյանը՝ «Ազատություն» ռադիոկայանի «Կիրակնօրյա վերլուծական» հաղորդման հյուր

Հարկադիր արձակուրդում գտնվողների մի հատվածի հարցը գործատուների ջանքերով պետք է հաղթահարվի, մի հատվածինն էլ՝ կառավարության, ասում է էկոնոմիկայի նախարար Տիգրան Խաչատրյանը:

Հրայր Թամրազյանի «Կիրակնօրյա վերլուծական» հաղորդման շրջանակներում նախարարը ներկայացրել է կառավարության կողմից նախատեսվող տնտեսական 150 միլիարդ դրամի աջակցության ծրագիրը:

Ներկայացնում ենք հատված հարցազրույցից.

Տիգրան Խաչատրյան. - Սկզից մտածում էինք, մեր օգնության առաջնահերթությունները պետք է որոշվեն ըստ տնտեսության ոլորտների, բայց նկատի ունենալով, որ արագ տարածվող փոփոխություններն առնչվում են տնտեսության գրեթե բոլոր ոլորտներին` կառավարությունը որոշեց, որ իր առաջին աջակցության փաթեթը, որ պետք է կոչվի «Տնտեսության արագ արձագանքման փաթեթ»` բաղկացած լինելով 150 միլիարդ դրամ ընդհանուր գումարից, առաջին մեկ բաղադրիչով, որ փուլ մեկ ենք անվանում, կազմակերպությունների ժամանակավոր ֆինանսական դժվարությունները հաղթահարելու համար պետական ֆինանսական աջակցությունն է: Այսինքն` որտեղ կազմակերպությունները կարող են իրենց գործընկեր բանկերի հետ այս իրավիճակում իրենց գործունեությունը կառավարելու համար ֆինանսական լուծումներ գտնել, այդ հատվածներում կառավարությունն առաջարկում է 3 աջակցության եղանակ: Սա դեռևս նախագիծ է, ինչի մասին խոսում եմ, նախագիծը ներկայացված է նաև հանրային ընդհանուր քննարկման, մենք արդեն շաբաթվա առաջին 2 օրերի ընթացքում կամփոփենք, և կարծում եմ, որ շաբաթվա ընթացքում կկայացնենք այդ առաջին կարևոր որոշումը: Հիմնական առանձնահատկությունը նա է, որ ֆինանսական միջոցներ հասանելի կդառնան այն կազմակերպություններին, որոնք այս ժամանակավոր ֆինանսական դժվարությունները կհաղթահարեն կառավարության աջակցությամբ:

Երկրորդ փաթեթը, որ ևս մոտավոր գնահատականներով 25 միլիարդի չափ կարող է կազմել, պետք է ունենա առավելապես մարդկանց խոցելի խմբերի աջակցության նպատակ, ինչո՞ւ, որովհետև մենք լսում ենք բազմաթիվ գնահատականներ, որ նույնիսկ իրավական հարթության մեջ որոշ հարցեր մինչև վերջ կարգավորված չեն, և մենք փորձում ենք ընթացքից նկատելի դարձած խնդիրները կառավարել: Մարդիկ մի դեպքում նաև կառավարության հորդորով կամ խնդրանքով, մի դեպքում հարկադրաբար ժամանակավորապես կա՛մ հեռանում են իրենց հիմնական աշխատատեղից, կա՛մ անցնում են հեռացված աշխատանքի ռեժիմի, և այդ ժամանակահատվածում մի կողմից կազմակերպությունները, մի կողմից մարդիկ իրենք ունենում են ֆինանսական դժվարություններ: Մենք դեռևս չենք վերջնականացրել այն եղանակը, որով պետք է աջակցենք այդ մարդկանց խմբին, բայց երկրորդ դրամագլուխը, որ 25 միլիարդ կարժենա մոտավորապես իր նախնական ծավալով, ուղղված է լինելու այդ խնդիրների կարգավորմանը: Օրինակ` նշված է, որ այդ գումարները կառավարության ֆինանսական աջակցության կարող են լինել աշխատավարձերի, հարկերի, կոմունալ վճարումների և այդպիսի բիզնես ծախսերի համար, իսկ վերահսկողության մեխանիզմը նույնպես նկարագրված է. չի տրվում գումարը կազմակերպությանը, որ նա հետո որոշի, թե ինչ անի, այլ կազմակերպությունը բանկ է ներկայացնում իր հանձնարարականները: Օրինակ` ասում է, որ այս ցուցակով մարդկանց վճարման համար որոշակի գումար է անհրաժեշտ, միանգամից բանկը վճարում է այն հաշվեհամարներին, որոնք ներկայացված են վճարման հանձնարարականներում: Այսինքն` մեխանիզմը, բնականաբար, նպատակային նշանակություն հսկելու նույնպես այնտեղ նկարագրված է:

Այն մարդիկ, ովքեր այսօր գտնվում են հարկադիր իրենց աշխատատեղից հեռացվածության պայմաններում, նրանց մի մասը, այս թվարկվածները բնականաբար չեն կարող աշխատել, այսինքն` եթե դա բար է գիշերային կամ որևէ հանրախանութ, որտեղ հագուստի կամ կոշիկի առևտուր է իրականացվում, այդ մարդիկ այսօր գտնվում են տանը: Ընդ որում ուզում եմ սա շեշտել, կարևոր է, որ բոլորը տեղեկացված լինեն. ովքեր այս բիզնեսներից ավելի քիչ տուժեցին, նրանք, ովքեր կարողանում են էլեկտրոնային առևտուր կազմակերպել, օրինակ` այս թվարկվածների մեջ որոշները կան, որ կարող էին միանգամից իրենց առևտրի մի մասը սպասարկել էլեկտրոնային առևտրի եղանակով, և ես կարծում եմ` դժվարությունները հենց նրա համար են նաև, որ մենք դասեր քաղենք, մեր բիզնեսները նույնպես պետք է մտածեն` որ հատվածներում է հնարավոր, որ իրենք ունենան այն հարակից «ամորտիզատորները» այսպես ասած, որոնք այսպիսի կտրուկ փոփոխությունների դեպքում կարող էին մի քիչ հարթեցնել իրենց ռիսկերը և նվազեցնել կորուստները:

Իսկ այս մարդկանց լուծումները մենք կգտնենք, դրանք դեռևս մանրամասնեցված չեն, որովհետև մի հատված կա, որ գործատուների ջանքերով պետք է հաղթահարվի, մի հատված կա, որ կառավարության աջակցությամբ պետք է լուծվի խնդիրը:

Դու կարող ես կանխել կոռուպցիան

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԹԵԺ ԳԻԾ

81-40

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00