Երկիր՝  Հայաստանի Հանրապետություն
Ծրագիր՝  Համայնքների Գյուղատնտեսական ռեսուրսների կառավարման և մրցունակության երկրորդ (ՀԳՌԿՄ 2-րդ) ծրագիր
Ծրագրի համարը՝  P133705
Վարկի համարը՝  Վարկ No.8374-AM
Նշանակման անվանումը՝  Սոցիալական գծով փորձագետ (Խորհրդատու)
Հղման համարը՝  SOE-10-19  /ըստ Գնումների պլանի/

Հայաստանի Հանրապետության կառավարությունը Համաշխարհային բանկի կողմից ստացել է վարկ «Համայնքների Գյուղատնտեսական ռեսուրսների կառավարման և մրցունակության» երկրորդ ծրագրի (ՀԳՌԿՄ 2) իրացման նպատակով և նախատեսվում է այդ գումարների մի մասով վճարել Ծրագրի Սոցիալական գծով փորձագետի ծառայությունները:

Խորհրդատվական ծառայությունների նպատակն է` խթանել ՀԳՌԿՄ 2-րդ ծրագրի սոցիալական կայունությունը և ապահովել Ծրագրի շրջանակներում բացասական սոցիալական ազդեցության բացակայությունը.    

Խորհրդատուի ծառայությունները (այսուհետ՝ Ծառայություններ) ներառում են՝

• Իրականացնել ուսումնասիրություններ սոցիալական երաշխիքների քաղաքականությունների և Ծրագրի երաշխիքների փաստաթղթերի շրջանակներում ստանձնած պարտավորությունների համպատասխանության վերաբերյալ  (Բնապահպանական և սոցիալական կառավարման շրջանակ, Վերաբնակեցման քաղաքականության շրջանակ  և անհրաժեշտության դեպքում վերաբնակեցման գործողությունների պլան) ՀԳՌԿՄ 2-րդ ծրագրի բոլոր աշխատանքների համատեքստում,
• Գնահատել Ծրագրի սոցիալական ազդեցությունը և ձեռնարկել մեղմացման միջոցառումներ վերլուծական ակնարկների և դաշտային այցելությունների միջոցով,
• Սերտորեն համագործակցել Ծրագրի թիմի հետ `Բանկի երաշխիքների պահանջների վերաբերյալ խորհրդատվություն  և ուսուցում տրամադրելու նպատակով,
• Ծանուցել Ծրագրի ղեկավարին ցանկացած անհամապատասխանություն կամ բացասական փորձի  վերաբերյալ, ով իր հերթին պետք է ապահովի ծրագրի ամբողջ անձնակազմի հետևողականությունը,
• Անհրաժեշտության դեպքում աջակցել վերաբնակեցման գործողությունների պլանի համար պատասխանատու մասնագետին,
• Սերտորեն համագործակցել ՀԳՌԿՄ2-րդ ծրագրի բնապահպանական մասնագետի հետ`համակարգելու ՀԲ-ի երաշխիքների քաղաքականությանն առնչվող բոլոր գործողությունները,
• Ապահովել Ծրագրի գործունեության համապատասխանությունը Բնապահպանական և սոցիալական կառավարման շրջանակային փաստաթղթին,
• Վերստուգել Ծրագրի բողոքների բավարարման մեխանիզմի գործառույթը, ներառյալ ծրագրի բոլոր աշխատողների վերապատրաստումը՝  համաձայն բողոքների բավարարման մեխանիզմի գործառույթի սկզբունքներին և ընթացակարգերին, ապահովել բողոքների բավարարման մեխանիզմի գործառույթը յուրաքանչյուր ծրագրի բաղադրիչի համար,
• Ապահովել բողոքների բավարարման մեխանիզմի  պատշաճ իրականացումը,
• Զեկուցել Համաշխարհային Բանկին  Ծրագրի հետ կապված ցանկացած միջադեպի վերաբերյալ ոչ ուշ, քան պատահարի պահից 48 ժամվա ընթացքում,
• Մասնակցել Ծրագրի Կապալառուների կողմից հաղորդված Ծրագրի հետ կապված միջադեպերի ուսումնասիրությանը, գնահատել միջադեպի ծանրությունը, ապահովել հրատապ արձագանք, հավաքագրել անհրաժեշտ տվյալներ, անհրաժեշտության դեպքում մշակել հանրային իրազեկման գործողություններ,
• Համագործակցելով  բաղադրիչի համակարգողների հետ ձեռնարկել գործողություններ  Ծրագրում կանանց և երիտասարդությանը ներգրավելու նպատակով,
• Ապահովել կանանց և երիտասարդների մասնակցությունը Ծրագրի գործողություններին, ներառյալ դասընթացներ, սեմինարներ և այլն,
• Մուտքագրել համապատասխան տվյալներ սոցիալական հարցերի վերաբերյալ, ներառյալ կանանց, երիտասարդության, խոցելի խմբերի բողոքների և  դժգոհությունների վերաբերյալ,
• Մշակել ամսական հաշվետվություններ, ինչպես նաև առաջընթացի վերաբերյալ հաշվետվություններ (Համաշխարհային բանկի յուրաքանչյուր վերահսկողական պատվիրակության այցից առաջ),
• Մասնակցել ՀԲ  վերահսկողական առաքելություններին:

Նշանակման մանրամասն Տեխնիկական առաջադրանքը (Լիազորությունների շրջանակը) կցված է:

ՀՀ էկոնոմիկայի նախարարության Գյուղատնտեսական ծրագրերի իրականացման վարչությունը (ԳԾԻՎ) սույնով հրավիրում է իրավասու խորհրդատուներին ներկայացնելու իրենց հետաքրքրվածության հայտերը ծառայության մատուցման համար: Հետաքրքրված խորհրդատուները պետք է ներկայացնեն ինքնակենսագրական սեղմագրեր (CVs), որոնք ներառում են տեղեկատվություն ծառայությունների իրականացման համար պահանջվող որակավորման և համապատասխան փորձի վերաբերյալ:

Կարճ ցուցակում ընդգրկվելու չափանիշներն են.

• Հասարակագիտության, սոցիոլոգիայի, սոցիալական աշխատանքների կամ հարակից ոլորտի բարձրագույն կրթություն,
• պետական ոլորտում և/կամ միջազգային կազմակերպություններում համապատասխան պաշտոնում առնվազն 5 տարվա աշխատանքային փորձ, որոնցից առնվազն 2 տարի բնակչության խոցելի խմբերի հետ աշխատանքների իրականացման ոլորտում,
• սոցիալական գնահատման, ուսումնասիրությունների, ներառյալ որակական ուսումնասիրությունների մեթոդաբանության մշակման և իրականացման փորձ,
• ՀԲ կամ միջազգային ֆինանսական ինստիտուտների երաշխիքային քաղաքականության, ՀՀ օրենսդրության համապատասխան պահանջների, ինչպես նաև դրանցից բխող գործընթացների իմացություն, համապատասխան ոլորտում այլ երկրների փորձի ուսումնասիրության և լավագույն փորձի ներդրման կարողություններ: Վերաբնակեցման գործողությունների պլանների մշակման կամ իրականացման փորձը կդիտվի որպես առավելություն:
• գործնական աշխատանքային փորձը Հայաստանում գործող միջազգային կազմակերպությունների ծրագրերում, ինչպես նաև Արևելյան Եվրոպայի, Կովկասյան և Կենտրոնական Ասիայի երկրներում  կդիտարկվի որպես առավելություն,
• տարբեր շահագրգռված կողմերի հետ, ներառյալ` պետական և միջազգային կազմակերպություններ, ՀԿ-ներ, արդյունավետորեն հաղորդակցվելու ունակություն,
• փորձ Համաշխարհային Բանկի կամ դոնորների կողմից ֆինանսավորվող այլ ծրագրերում և նրանց պահանջների իմացություն,
• անգլերենի գերազանց իմացություն (գրավոր և բանավոր), ներառյալ անգլերեն լեզվով բարձր որակի հաշվետվություններ գրելու կարողություն: Ռուսերենի իմացությունը` կդիտարկվի որպես առավելություն:
   

Կարճ ցուցակում ընդգրկվելու փուլին խորհրդատուները չեն գնահատվելու:

Հետաքրքրված խորհրդատուների ուշադրությունը հրավիրվում է Համաշխարհային Բանկի ուղեցույցների 1.9 կետին. ՎԶՄԲ վարկի և ՄԶԸ փոխառությունների և դրամաշնորհների շրջանակներում խորհրդատուների ընտրություն և վարձում Համաշխարհային Բանկի Վարկառուների կողմից, հունվար 2011 («Խորհրդատուների ընտրության ուղեցույց»), որտեղ մասնավորապես նշվում է Համաշխարհային Բանկի քաղաքականությունը շահերի բախման վերաբերյալ:

Խորհրդատուի ընտրությունը կիրականացվի Խորհրդատուների ընտրության ուղեցույցով սահմանված Խորհրդատուների Որակավորման վրա հիմնված ընտրության ընթացակարգով:

Լրացուցիչ տեղեկություններ կարող են ձեռք բերվել ստորև նշված հասցեում, աշխատանքային օրերին, ժամը 10:00-ից մինչև 17:00:

Հետաքրքրվածության հայտերը պետք ներկայացվեն մինչև 2019թ. դեկտեմբերի 27-ը ժամը 17:00-ը ստորև նշված հասցեով:
ք. Երևան, Մհեր Մկրտչյան 5, 8-րդ հարկ, 832 սենյակ;
Էլ-փոստ. atovmasyan@agridf.am