Վահան Քերոբյանը մասնակցել է Պարենի համաշխարհային օրվան նվիրված համաժողովին

14 Հոկտեմբերի, 2022

Նախարար Վահան Քերոբյանը և նախարարի տեղակալ Արման Խոջոյանը հոկտեմբերի 13-ին մասնակցել են Պարենի համաշխարհային օրվան նվիրված համաժողովին, որը կազմակերպվել էր ՄԱԿ-ի պարենի և գյուղատնտեսության կազմակերպության կողմից ՀՀ էկոնոմիկայի նախարարության, Ավստրիական զարգացման գործակալության, Շվեյցարական համագործակցության գրասենյակի, ՄԱԿ-ի պարենի համաշխարհային ծրագրի և ՄԱԿ-ի մանկական հիմնադրամի հետ համագործակցությամբ։

Համաժողովը հիմնված էր ՊԳԿ-ի «Չորս ավելի լավ սկզբունքների» վրա՝ ավելի լավ արտադրություն, ավելի լավ սնուցում, ավելի լավ շրջակա միջավայր և ավելի լավ կյանք բոլորի համար: Այն նպատակ ուներ քննարկել Հայաստանում պարենի և գյուղատնտեսության ոլորտներում առկա մարտահրավերները և դրանց հաղթահարման ուղիները։ Միջոցառումը համախմբել էր հիմնական շահագրգիռ կողմերին, այդ թվում՝ ՀՀ կառավարության, միջազգային և դոնոր համայնքի, հասարակական կազմակերպությունների, կրթական կառույցների և գործարար համայնքի ներկայացուցիչներին:

Միջոցառման սկզբում նախարար Վահան Քերոբյանն իր ողջույնի խոսքում նշել է, որ պարենային անվտանգության համակարգի զարգացումը գտնվում է ՀՀ կառավարության ուշադրության կենտրոնում։ Նախարարի տեղեկացմամբ՝ Կառավարության 2021-2026 թթ․ ծրագրում ներառված է «Պարենային անվտանգության համակարգի զարգացման ռազմավարության և 2022-2026 թթ․ գործողությունների ծրագրի մշակում» միջոցառումը և այդ ուղղությամբ աշխատանքներն ընթացքի մեջ են:
«Վստահ եմ, որ այսօրվա քննարկումների արդյունքում ձեռքբերված պայմանավորվածությունները կհանգեցնեն պարենային անվտանգության խնդիրների վերհանմանը,  տնտեսության զարգացմանն ուղղված միջոցառումների նախանշմանը, սնուցման տեսանկյունից դիվերսիֆիկացված պարենի մատչելիության և հասանելիության  մակարդակի բարձրացմանը, պարենային անվտանգության ապահովման ոլորտում իրավիճակի վերլուծությանը, կառավարմանը և կանխատեսմանը», - նշել է նախարարը:

«Կայուն ագրոպարենային համակարգերով է պայմանավորված այն, թե ինչպես ենք մենք սնվում, ինչպես ենք մենք ապրում և որքան առողջ ենք մենք, և հետևաբար դրանք հանդիսանում են ավելի բարեկեցիկ ապագայի հիմնական շարժիչ ուժերը», - նշել է Հայաստանում ՊԳԿ ներկայացուցիչ Ռայմունդ Յելեն: «Ագրոպարենային համակարգերի փոխակերպումը չափազանց կարևոր է, եթե մենք ցանկանում ենք կատարել մեր խոստումը` ապահովելու ավելի լավ արտադրություն, ավելի լավ սնուցում, ավելի լավ միջավայր և ավելի լավ կյանք բոլորի համար», - հավելել է նա:

Նախարարի տեղակալ Արման Խոջոյանն իր զեկույցում նշել է, որ ՀՀ Կառավարությունն այսօր առաջարկում է բավականին լայն գործիքակազմ՝ գյուղատնտեսության ոլորտում նպատակային ծրագրերի իրականացմամբ բարձրացնելու արտադրողականությունը, առաջադեմ տեխնոլոգիաների կիրառմամբ նվազեցնելով ինքնարժեքը, կորուստները՝ միաժամանակ խթանելով բնական ռեսուրսների նպատակային օգտագործումը, կենսաբազմազանության ապահովումը։ Կառուցում է համակարգեր, որոնք պետք է ապահովեն անվտանգ, հետագծելի և սննդարար սննդի առկայությունն ու հասանելիությունը, որն էլ իր հերթին նպաստում է մարդու արտադրողականության բարձրացմանը։

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00