Նախարարի տեղակալ Էդգար Զաքարյանն այցելել է Երևանի թեթև արդյունաբերության պետական քոլեջ
ՀՀ էկոնոմիկայի նախարարի տեղակալ Էդգար Զաքարյանը հունվարի 30-ին այցելել է Երևանի թեթև արդյունաբերության պետական քոլեջ։ Շրջայցին մասնակցել են նաև ՄԱԿ-ի արդյունաբերության զարգացման կազմակերպության (UNIDO) ներկայացուցիչներ։
Քոլեջի տնօրեն Արտակ Սարգսյանի և փոխտնօրեն Արայիկ Պողոսյանի ուղեկցությամբ նախարարի տեղակալը շրջել է քոլեջի տարածքով, ծանոթացել հագուստի մոդելավորման և նախագծման աշխատանքներին և ուսումնական գործընթացին։
Այնուհետև քննարկվել են քոլեջի զարգացման հնարավորությունները, առկա խնդիրները, ինչպես նաև վերապատրաստման դասընթացների կազմակերպման հնարավորությունները։
Էդգար Զաքարյանը նշել է, որ թեթև արդյունաբերությունը Հայաստանի տնտեսության առաջնահերթ ուղղություններից է, ուստի կարևոր է բարձրակարգ, ժամանակակից գիտելիքներով զինված մասնագետների պատրաստումը։ Այս համատեքստում նա ընդգծել է միջազգային գործընկերների հետ սերտ համագործակցության կարևորությունը։
Էդգար Զաքարյանը պատրաստակամություն է հայտնել աջակցել քոլեջի կրթական ծրագրերի արդիականացմանը՝ դրանք համապատասխանեցնելու համար աշխատաշուկայի արդի պահանջներին:
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`