Գևորգ Պապոյանն ընդունել է ՀՀ-ում Բրազիլիայի Դաշնային Հանրապետության արտակարգ և լիազոր դեսպան Ֆաբիո Վազ Պիտալուգային
ՀՀ էկոնոմիկայի նախարար Գևորգ Պապոյանը նոյեմբերի 19-ին ընդունել է Հայաստանի Հանրապետությունում Բրազիլիայի Դաշնային Հանրապետության արտակարգ և լիազոր դեսպան Ֆաբիո Վազ Պիտալուգային:Ներկա է եղել նաև նախարարի տեղակալ Նարեկ Հովակիմյանը։
Հանդիպման ընթացքում կողմերը քննարկել են հայ-բրազիլական առևտրատնտեսական կապերի ամրապնդմանը, գյուղատնտեսության ոլորտում համագործակցության խորացմանը վերաբերող մի շարք հարցեր։
«Ես իսկապես գնահատում եմ այս հնարավորությունը՝ քննարկելու, թե ինչպես կարող ենք ամրապնդել Հայաստանի և Բրազիլիայի միջև տնտեսական կապերը։ Մեր երկրներն աշխարհագրորեն հեռու են միմյանցից, բայց մենք ընդհանուր նպատակ ունենք՝ նպաստել մեր երկրների բարգավաճմանը»,- նշել է Գևորգ Պապոյանը։
Կողմերը կարևորել են Հայաստանի և Բրազիլիայի միջև ներդրումային կապերի ամրապնդումը, և այս համատեքստում առաջարկվել է կնքել «Ներդրումների խրախուսման և փոխադարձ պաշտպանության մասին» երկկողմ համաձայնագիր, ինչը կհեշտացնի բրազիլական ներդրողների մուտքը հայկական շուկա և հակառակը։
Քննարկվել են նաև Հայաստանի ազատ տնտեսական գոտիներում բրազիլական ընկերությունների գործունեություն ծավալելու հնարավորությունները։
Գևորգ Պապոյանը ներկայացրել է նաև «Խաղաղության խաչմերուկ» նախագիծը, որը կարող է դառնալ ինչպես տարածաշրջանային, այնպես էլ ավելի լայն տնտեսական համագործակցության կարևոր բաղկացուցիչ։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`