Ենթակառուցվածքների ֆինանսավորման ավելացում` հանրային միջոցներն ազատվում են և ուղղվում են այնպիսի ոլորտներում ներդրումների, որտեղ մասնավոր ներդրումները անհնար են կամ տեղին չեն: Այդպիսով, ՊՄԳ ծրագրերն իրականացվում են ի լրումն հանրային հատվածի ներդրումների այլ ձևերի, այլ ոչ դրանց փոխարեն:
Մասնավոր հատվածի արդյունավետության ներդրում` երկարաժամկետ պայմանագրերը թույլ են տալիս մասնավորի աշխատանքների բարելավված պլանավորում և ծրագրավորում։
Ծառայության ժամկետի ընթացքում ծախսերի օպտիմալացում` լավ մշակված ՊՄԳ պայմանագրում կառուցման և հետագա վերակառուցման-պահպանման գործառույթները դիտարկվում են երկարաժամկետ կտրվածքում: Մասնավոր օպերատորն ունի բյուջետային ավելի մեծ ճկունություն (միջոցների և դրանց կիրառելու ժամկետների առումով), որպեսզի ապահովի, որ պահպանման և վերակառուցման աշխատանքներն իրականցվեն ակտիվի մաշվածության կենսացիկլի առավել պատշաճ պահերին: Կառավարությունը գործում է հանրային ֆինանսների հասանելիության սահմանափակումների պայմաններում և պակաս ճկուն է ակտիվի ծառայության ժամկետի տարիների ընթացքում ֆինանսական միջոցները կիրառելու հարցում:
Ռիսկերի կառավարում` միջազգային փորձը ցույց է տալիս, որ ռիսկերի պատշաճ հատկորոշման և բաշխման պարագայում, ՊՄԳ ձևաչափով իրականացված ծրագրերը միտված են ավելի լավ համապատասխանելու ծախսերի և ժամկետների մասով կանխատեսումներին, քան՝ ավանդական պայմանագրերի դեպքում:
Նորարարություն` ՊՄԳ-ի՝ ծառայության ողջ կենսապարբերաշրջանով դիտարկումը մասնավոր հատվածի համար այլընտրանքային լուծումներ գտնելու շարժառիթ է ստեղծում՝ կատարողականի պահանջներն ավելի ցածր ծախսերով և/կամ ավելի բարձր արդյունավետությամբ բավարարելու համար: Նորարարությունը խթանվում է արդյունքների վրա հիմնված շահագործման և պահպանման պայմանագրերով։
Հանրային հատվածի համար ռիսկերի կրճատում` ծրագրի ռիսկերի մի մասի փոխանցումը մասնավոր գործընկերներին հանդիսանում է պետություն-մասնավոր գործընկերությունների կողմից ապահովվող առանցքային շարժառիթներից մեկը և ուղղակիորեն հանգեցնում է հանրային հատվածի կողմից ծրագրի ծախսերի, ժամկետների և արդյունքների որակի վերահսկողության բարելավմանը: