ՊՄԳ ձևաչափը կիրառելիս հանրային կառավարման մարմիները հնարավորություն են ստանում կենտրոնանալու պլանավորման, քաղաքականության և կարգավորման հարցերի վրա, իսկ մասնավոր հատվածը ստանում է լիազորություն անելու այն, ինչը լավագույնն է անում՝ արդյունքում բարելավելով ծառայության արդյունավետությունը և որակը։
Տարբեր մեթոդներով կարելի է գնահատել ծրագիրը ավանդական (պետական) գնումների կամ ՊՄԳ-ի միջոցով իրականացնելու նախընտրելիությունը։
Կապիտալ ծախսերի ֆինանսավորման նպատակով պետական միջոցների օգտագործումը հանդիսանում է ՊՄԳ իրականացման կենսունակ ձև, որի դեպքում մասնավոր հատվածին վերապահվում է շահագործման, պահպանման և հասանելիության ապահովման պատասխանատվությունը:
Պետական միջոցների օգտագործման հետ կապված հարցը բյուջետային միջոցների սահմանափակումն է՝ կառավարության կողմից ծրագրի համար անհրաժեշտ գումարը փոխառությամբ ներգրավելու հնարավորությունը: Մասնավոր գործընկեր ներգրավելը կարող է նաև հասանելի դարձնել ֆինանսավորումն այն դեպքում, երբ առկա է հանրային միջոցների պակաս:
Ծրագրի իրականացման կամ ծառայության մատուցման գործում մասնավոր ընկերության ներգրավման պատճառը Փողի դիմաց արժեքի (ՓդԱ) գաղափարն է: Հանրային հատվածի համեմատական ծախսի գնահատումը ցույց կտա, թե արդյոք ՊՄԳ-ն որպես ծրագրի/ծառայության մատակարարման ձև ընդունելն ապահովում է ՓդԱ:
Լավ մշակված կառուցվածքով ՊՄԳ-ն մասնավոր ընկերությանը թույլ է տալիս ենթակառուցվածքները/ ծառայությունները մատակարարելու ավելի նորարարական ձևեր փնտրել և կիրառել, ինչի արդյունքում, սովորաբար, պահպանումը և շահագործումը կիրականացվեն ավելի լավ և ավելի արդյունավետ կերպով: