Երևանում կայացել է կենսունակ հանքարդյունաբերության խնդիրներին նվիրված գործարար համաժողով

14 Փետրվարի, 2017

Նոյեմբերի 16-ին Երևանում կայացել է կենսունակ հանքարդյունաբերության խնդիրներին նվիրված գործարար համաժողով, որը կազմակերպել է Հայաստանի Հանրապետությունում ԱՄՆ դեսպանատունը՝ ՀՀ տնտեսական զարգացման և ներդրումների նախարարության, ՀՀ էներգետիկ ենթակառուցվածքների և բնական պաշարների նախարարության և HSBC բանկի հետ համատեղ։

Միջոցառմանը մասնակցել են ՀՀ տնտեսական զարգացման և ներդրումների նախարար Սուրեն Կարայանը, Հայաստանի Հանրապետությունում ԱՄՆ դեսպան Ռիչարդ Միլզը, պետական կառույցների, հանքարդյունաբերության ոլորտի ընկերությունների և շահագրգիռ կազմակերպությունների ներկայացուցիչներ, փորձագետներ։

Համաժողովի նպատակը Հայաստանի հանքարդյունաբերողների ու ամերիկյան հայտնի ընկերությունների միջև կապերի ձևավորումն էր, որոնք առաջարկում են հանքարդյունաբերության արդյունավետությունը, աշխատողների անվտանգությունը մեծացնող ապրանքներ ու ծառայություններ:

Համաժողովը միտված էր Միացյալ Նահանգների և Հայաստանի միջև առևտրային բնույթի հարաբերությունների ամրապնդմանը՝ Հայաստանի հանքարդյունահանողներին ներկայացնելով առաջատար ամերիկյան ընկերություններին, իսկ ամերիկյան ընկերություններին հնարավորություն ընձեռելով ներկայացնելու տեխնոլոգիաների ոլորտում իրենց նորագույն տեսականին:

Նախարար Սուրեն Կարայանն իր ողջույնի խոսում նշել է, որ hանքարդյունաբերությունը Հայաստանի տնտեսության կարևոր հենասյուներից է և արտահանման կառուցվածքում ամենամեծ տեսակարար կշիռ ունեցող հատվածը։ Այն էական դեր է խաղում Հայաստանի ողջ տնտեսության զարգացման գործում: «Հայաստանի Հանրապետության կառավարությունը մեծ նշանակություն է տալիս ներդրումային միջավայրի գրավչության բարձրացմանը: Այդ նպատակով կիրառվում է «բաց դռների» քաղաքականություն` բացառելով որևէ սահմանափակում ներդրումային գործունեության նկատմամբ: Իրականացվում են գործարար և ներդրումային միջավայրի շարունակական բարեփոխումներ: Մշակվել և գործողության մեջ են դրվել զարգացման մի շարք ոլորտային քաղաքականություններ` ուղղված հատկապես արդյունաբերության, տեղեկատվական տեխնոլոգիաների զարգացմանը, արտահանման դիվերսիֆիկացմանը, արտաքին շուկաների ընդլայնման», - նշել է ՀՀ տնտեսական զարգացման և ներդրումների նախարար Սուրեն Կարայանը:

Հայաստանի Հանրապետությունում ԱՄՆ դեսպան Ռիչարդ Միլզն իր բացման խոսքում ասել է. «Հանքարդյունահանումը, եթե կատարվում է պատասխանատու ու թափանցիկ կերպով և միջազգային բնապահպանական ու սոցիալական ամենաբարձր նորմերին համահունչ, կարող է լինել հաջող և շահավետ ներդրում Հայաստանի ժողովրդի համար: Կենսունակ հանքարդյունահանումը՝ նորագույն տեխնոլոգիաների ու սարքավորումների կիրառմամբ, անվտանգ կլինի hանքարդյունաբերության աշխատողների համար ու հնարավորություն կտա ապահովելու Հայաստանի բնության պահպանությունը»:

+

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00