ԵՄ աջակցությամբ Սյունիքում բացվել է «Լեգենդների արահետը»․ այն կնպաստի մարզի զբոսաշրջության զարգացմանը

26 Օգոստոսի, 2019

Օրերս Սյունիքի մարզի Տանձավեր գյուղում,  «ԵՄ-ն զբոսաշրջության համար․ արկածային տուրիզմի զարգացում պատմական Սյունիքում» ծրագրի շրջանակում,  կայացել է «Լեգենդների արահետ» քայլուղու պաշտոնական բացման արարողությունը:

Միջոցառմանը մասնակցել և «Լեգենդների արահետը» բացել են ՀՀ Էկոնոմիկայի նախարարի տեղակալ Վարոս Սիմոնյանը և Հայաստանում ԵՄ պատվիրակության ղեկավար դեսպան Պյոտր Սվիտալսկին։

Ողջունելով միջոցառման մասնակիցներին, Վարոս Սիմոնյանը նշել է, որ Հայաստանի կառավարությունը խրախուսում է զբոսաշրջային առաջարկների բազմազանեցումը և դրանցում համայնքների ներգրավվածությանն ուղղված նախաձեռնությունները:

Պյոտր Սվիտալսկին իր խոսքում ասել է․ «Հայաստանի գյուղական համայնքների զարգացումը գերակա առաջնահերթություն է Եվրոպական միության համար։ Ես անձամբ կարևորել եմ, որպեսզի առավել մեծ ուշադրություն դարձվի այն նախաձեռնություններին, որոնք Հայաստանի քաղաքացիներին և զբոսաշրջիկներին թույլ են տալիս վայելել այս երկրի գեղեցկությունը՝ վարելով նաև ակտիվ ապրելակերպ։ Բոլորին խորհուրդ եմ տալիս քայլարշավներ պլանավորել Գորիսն ու Կապանը կապող այս Լեգենդների արահետում և բացահայտել թեյատները, հյուրատները, Կախարդական անտառն ու այլ ծառայությունները, որոնք համայքի բնակիչները ստեղծել են ԵՄ աջակությամբ»։

«Ուրախ ենք ԵՄ աջակցությամբ կյանքի կոչել արկածային և էկո տուրիզիմի զարգացմանն ուղղված մեծածավալ այս ծրագիրը: Խնձորեսկից դեպի Խուստուփ հասնող Լեգենդների արահետն էականորեն կնպաստի տուրիզմի համաչափ զարգացմանը, տեղացիների տնտեսական ակտիվությանն ու կյանքի որակի բարելավմանը: Ծրագիրը մեծապես նպաստում է նաև Կապանի և հարակից բնակավայրերի տուրիստական նոր ուղիների ձևավորմանը», - նշել է «Մարդը կարիքի մեջ» չեխական հասարակական կազմակերպության հայաստանյան գրասենյակի տնօրեն Վարդուհի Դադունցը:

 «ԵՄ-ն զբոսաշրջության համար․ արկածային տուրիզմի զարգացում պատմական Սյունիքում» ծրագիրն իրականացվում է «Մարդը կարիքի մեջ» հասարակական կազմակերպության հայաստանյան ներկայացուցչության կողմից՝ Եվրոպական միության ֆինանսական աջակցությամբ: Ծրագրի իրականացման գործընկերներն են․ Կապանում՝ «ԱՐԿ» բնապահպանական ՀԿ-ն, Գորիսում՝ Գորիսի Զարգացման կենտրոն ՀԿ-ն: Ծրագիրն իրականացվում է ՀՀ էկոնոմիկայի նախարարության Զբոսաշրջության կոմիտեի, համայնքների, տեղական և միջազգային շահագրգիռ կազմակերպությունների հետ սերտ համագործակցությամբ:

«Լեգենդների արահետը» Գորիսի տարածաշրջանում գծանշված ճանապարհներով կապում է Գորիս, Խնձորեսկ, Ներքին Խնձորեսկ, Հարթաշեն, Վերիշեն, Ակներ, Քարահունջ, Որոտան, Շուռնուխ, Բարձրավան, Տաթև, Հալիձոր, Շինուհայր, Խոտ և Հարժիս բնակավայրերը, իսկ Կապանում՝ Կապան, Աղվանի, Տանձավեր, Տավրուս, Առաջաձոր, Վերին Խոտանան, Շրվենանց, Անդոկավան, Բեխ, Վաչագան, Բաղաբուրջ, Անտառաշատ, Վանեք, Ձորաստան և Շղարշիկ բնակավայրերը:

Ծրագրի շրջանակում արդեն տրամադրվել է 15 դրամաշնորհ՝ նախատեսված համայնքներում համայնքային նախաձեռնությունների և ընտանեկան ձեռնարկատիրությունների զարգացման համար։ Միջոցառման շրջանակում ևս չորս դրամաշնորհ է տրամադրվել Գորիսի և Կապանի համայնքային իշխանությունների հետ համագործակցությամբ համայնքային և մարզային փառատոններ անցկացնելու նպատակով։

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

Հուշաթերթ արտահանողի համար

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

Հանդիպումների ժամանակացույց․պետություն-մասնավոր հատված համագործակցություն

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00