ՀՀ կառավարության 2021 թվականի հուլիսի 15–ի N1139 - Լ որոշում
Ծրագրի նպատակը պատերազմի հետևանքով Սյունիքի մարզի տնտեսավարողների կողմից Արցախի Հանրապետության քաղաքացիներին ժամանակավոր կացարանների տրամադրման արդյունքում կատարված ծախսերի և կրած վնասների մասնակի փոխհատուցումն է։
Միջոցառման շահառու հանդիսանում են ռազմական դրությամբ պայմանավորված` Սյունիքի մարզում ժամանակավորապես տեղավորված Արցախի Հանրապետության քաղաքացիներին կացարան տրամադրած, փաստացի գործունեություն իրականացնող այն հանգստյան տները, հյուրանոցները և հյուրատները, որոնք ընդգրկված են եղել ՀՀ կառավարության 2020 թվականի նոյեմբերի 23–ի N1822–Ն և 2020 թվականի դեկտեմբերի 08–ի N1987–Ն որոշումների շրջանակներում օժանդակություն ստացած շահառուների ցանկում։
Աջակցությունից օգտվելու համար վերոնշյալ ցանկում նշված շահառուները պետք է դիմեն ՀՀ էկոնոմիկայի նախարարություն` մինչև 2021 թվականի սեպտեմբերի 1-ը։ Դիմելու համար անհրաժեշտ է լրացնել հետևյալ էլեկտրոնային հայտը: