Վահան Քերոբյանն ընդունել է TeamViewerAG գերմանական ընկերության գործարար պատվիրակությանը

11 Հունիսի, 2021

Հունիսի 9-ին ՀՀ էկոնոմիկայի նախարարի պաշտոնակատար Վահան Քերոբյանն ընդունել է TeamViewer AG գերմանական ընկերության գլխավոր գործառնական տնօրեն Կառլ Մարկգրաֆի և գլխավոր տեխնոլոգիական տնօրեն Մայք Էյսելեի գլխավորած պատվիրակությանը։ Հանդիպմանը մասնակցել է նաև ՀՀ էկոնոմիկայի նախարարի տեղակալ Նարեկ Տերյանը։

Վահան Քերոբյանը ողջունել է ընկերության ներկայացուցիչներին և նշել տնտեսության մեջ տեղեկատվական տեխնոլոգիաների զարգացման և նոր տեխնոլոգիաների կիրառման կարևորության մասին։ Նշելով, որ ՀՀ կառավարության գործունեությունն ուղղված է նորարարությունների և գիտելիքահեն տնտեսության զարգացմանը և բիզնեսի համար հեշտ տնտեսության ստեղծմանը՝ Վահան Քերոբյանը տեղեկացրել է, որ Հայաստանի կառավարությունը մտադրություն ունի Հայաստանը դարձնել ՏՏ և բարձր տեխնոլոգիաների տարածաշրջանային տեխնոհաբ:

Ընկերության ներկայացուցիչները ներկայացրել են իրենց ծրագրերը, նախագծերն ու  հնարավորությունները, որոնք մտադիր են իրականացնել Հայաստանում։ Կարևորելով իրենց ներկայությունը Հայաստանում և աշխատանքը հայ մասնագետների հետ՝ պատրաստակամություն են հայտնել նպաստել Հայաստանն աշխարհի թվային տեխնոլոգիաների ամենակարևոր կենտրոններից մեկը դարձնելու գործին: Կառլ Մարկգրաֆը գոհունակությամբ արձանագրել է, որ ՀՀ կառավարության և էկոնոմիկայի նախարարության հետ առկա է փոխշահավետ համագործակցություն, որի ընդլայնման շնորհիվ, հնարավոր կլինի լավ արդյունքների հասնել ոլորտի առաջխաղացման գործում։

Հանդիպման ընթացքում քննարկվել է TeamViewer AG ընկերության՝ Հայաստանում գործունեության ընդլայնման հնարավորությունները։ Վահան Քերոբյանը նշել է, որ TeamViewer ընկերության գործունեությունը և ծրագրերը հնարավորություն կտան օգտվել ժամանակակից տեխնոլագիաներից, վերափոխել հայկական ընկերությունների գործունեությունը աշխարհի ժամանակակից մոդելներին համապատասխան և  կիրառել դրանք տնտեսության մեջ:

Կողմերը կարևորել են աշխարհի մարտահրավերներին դիմակայելու ճանապարհին թվային վերափոխման անհրաժեշտությունը, ժամանակակից տեխնոլոգիաների և տեխնոլոգիական տրանսֆերի կիրառումը:

Հանդիպման մասնակիցները համակարծիք են եղել, որ տեղեկատվական տեխնոլոգիաների ոլորտում Հայաստանն ունի մի շարք մրցակցային առավելություններ, մարդկային մեծ ներուժ և աշխարհին համահունչ քայլելու ձգտում ունեցող մասնագետներ։

Նախարարի պաշտոնակատարը պատրաստակամություն է հայտնել շարունակաբար աջակցել ընկերության ծրագրերի իրականացմանը, քննարկել համատեղ նախաձեռնությունների,  համագործակցության հետագա քայլերը և ձևաչափը: Նա նաև առաջարկել է դիտարկել հայկական ընկերությունների հետ համագործակցության հնարավորությունները։   

TeamViewer AG-ին ծրագրային ապահովման համաշխարհային տեխնոլոգիական ընկերություն է, որը մշակում և տարածում է կապի հեռավար լուծումներ ամբողջ աշխարհում, օգնում է արդյունաբերության ոլորտի ընկերություններին թվայնացնել բիզնեսի համար կարևոր գործընթացները անխափան ցանցային սարքերով: Այն մեծ տարածում ունի նաև Երեւանում և տարիներ շարունակ հաջողությամբ գործում է Հայաստանում:

Դու կարող ես կանխել կոռուպցիան

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԹԵԺ ԳԻԾ

81-40

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00