Վահան Քերոբյանը մասնակցել է «Food & Drinks EXPO-2021» 20-րդ միջազգային մասնագիտացված ցուցահանդեսի բացմանը

21 Մայիսի, 2021

ՀՀ էկոնոմիկայի նախարարի պաշտոնակատար Վահան Քերոբյանը մայիսի 21-ին մասնակցել է Հայաստանի արդյունաբերողների և գործարարների միության և LOGOS EXPO Center ցուցահանդեսային ընկերության կողմից կազմակերպված «Food & Drinks EXPO-2021» 20-րդ միջազգային մասնագիտացված ցուցահանդեսի բացմանը։  

 Միջոցառման հիմնական նպատակն է աջակցել սննդի արդյունաբերության ոլորտում գործող ձեռնարկություններին և կազմակերպություններին` շուկան հագեցնել բարձրորակ արտադրանքով ու սպառողների լայն շրջանակի համար մատչելի ապրանքներով, ներկայացնել սննդի և վերամշակող արդյունաբերության ոլորտում կիրառվող նորագույն տեխնոլոգիաները, նպաստել առևտրային ընկերությունների և սննդի արդյունաբերության ձեռնարկությունների փոխշահավետ համագործակցության ամրապնդմանը, ինչպես նաև գործարար նոր կապերի հաստատմանը:

Եռօրյա ցուցահանդեսը մեկ հարթակի տակ կմիավորի սննդի արդյունաբերության առաջատար ընկերությունների, բիզնեսի, մեծածախ և մանրածախ առևտրի ոլորտի ներկայացուցիչների, արտադրողների ու մատակարարների: Միջոցառման ընթացքում տեղական և արտասահմանյան առավել քան 80 ընկերություններ Հայաստանից, Արցախից, Ռուսաստանից, Բելառուսից և Իրանից ներկայացնում են սննդի արդյունաբերության ոլորտի տարբեր ապրանքներ ու ծառայություններ:

«Food & Drinks EXPO-2021» ցուցահանդեսի հիմնական թեմատիկ բաժիններն են. մսամթերք, կաթնամթերք, ալկոհոլային և ոչ ալկոհոլային խմիչքներ, հանքային ջրեր, սառեցված կիսաֆաբրիկատներ, պահածոյացված մրգեր և բանջարեղեն, հրուշակեղեն, չրեր, բնական օճառներ, պաղպաղակ, սննդամթերքի արտադրության ոլորտում կիրառվող սարքավորումներ և այլն։

Ողջունելով միջոցառման մասնակիցներին՝ Վահան Քերոբյանը նշել է․ «21-րդ դարում կարևոր է սննդի արդյունաբերության մեջ նորարարությունների կիրառումը, նորագույն տեխնոլոգիաների ներդրումն ու ոլորտում գործող բիզնեսների թվայնացումը։ Հուսով եմ, որ այս երեք օրվա ընթացքում մենք կտեսնենք նոր տեխնոլոգիական և թվային լուծումներ, իսկ մասնակիցները լավագույնս կօգտագործեն ընձեռված հնարավորությունները և հիմք կդնեն երկարաժամկետ համագործակցությունների»։

Նախարարի պաշտոնակատարն իր խոսքում նաև ընդգծել է, որ ՀՀ էկոնոմիկայի նախարարությունը մեծ ուշադրություն է դարձնում սննդի արդյունաբերությանը և պատրաստ է աջակցել ոլորտի ներկայացուցիչներին, որպեսզի նրանք հնարավորինս արագ կատարեն անցումն ավանդականից դեպի նորարարական լուծումներ։

Ցուցահանդեսը հնարավորություն է ընձեռում ոլորտում ներգրավված տնտեսավարողներին գնահատելու սեփական արտադրանքի մրցունակությունը, հաստատելու նոր գործարար կապեր և ընդլայնելու արտահանման հնարավորությունները։

Ցուցահանդեսի բացման արարողությունից հետո Վահան Քերոբյանը շրջել է տաղավարներով ու ծանոթացել մասնակից ընկերությունների գործունեությանն ու  արտադրանքին։

Դու կարող ես կանխել կոռուպցիան

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԹԵԺ ԳԻԾ

81-40

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00